فوتو: «bnpz.uz»

قۇدايى كورشىمىز وزبەك ەلىنىڭ مونوپولياعا قارسى كوميتەتى "وزترانسگاز" كاسىپورنىنىڭ 2018 جىل مەن 2019 جىلدىڭ العاشقى توقسانىندا شارۋاشىلىق جۇرگىزەتىن سۋبەكتىلەرگە تابيعي گاز جەتكىزۋدەن 188 ملرد 200 ملن سۋم (20 ميلليون دوللاردان استام) مولشەردە نەگىزسىز تاپقان پايداسىن تۇتىنۋشىلارعا قايتارتتى.

بۇل تۋرالى ايماقتاعى "وزبەكترانسگازدىڭ" بىرنەشە وكىلدىكتەرىن تەكسەرگەن ەلدىڭ مونوپولياعا قارسى كوميتەتى حابارلادى.

رەسمي مالىمەتكە سايكەس، ايماقتارداعى گازبەن قامتاماسىز ەتۋ كومپانيالارى تاريفتەردى زاڭسىز وسىرگەنى انىقتالعان.

وسىعان بايلانىستى اتالعان كومپانيالارعا قارسى "تابيعي مونوپوليا تۋرالى" زاڭداردىڭ بۇزىلۋى بويىنشا قىلمىستىق ءىس قوزعالىپ، نەگىزسىز تاپقان پايدانى قايتارىپ بەرۋگە بۇيرىق بەرىلگەن.

بىزدەن ءسال عانا بۇرىن بيلىك ءترانزيتىن اياقتاعان وزبەك ەلىنە قاراپ وتىرىپ ورتا ازيادا دايىم كوش باسىندا بولعىسى كەلىپ، ءار ءىستىڭ باستاماسىندا جۇرەتىن قازاقستاندا وسى ۇردىستەن قالماي، ەلدەگى الپاۋىت كومپانيالارمەن كاسىپورىنداردىڭ جۇرتتان جەگەن قاقىلارىن قايتارسا دەگەن ارمان...

"The Qazaq Times"