يران: مالايزيا يسلام الەمىن السىرەتۋ ىستەرىنە ارالاسپاۋى كەرەك

يران يسلام رەسپۋبليكاسى ءسىم-ءنىڭ اقپارات حاتشىسى ساۋد ارابياسى كورولىنىڭ كۋالا-لۋمپۋرعا ساپارىنىڭ سوڭىندا جاريالاعان قورىتىندى مالىمدەمەسىنە قاراتا پىكىرىندە: «مالايزيا ۇكىمەتىنەن كۇدىكتى ورتالار تاراپىنان يسلام الەمىن السىرەتۋ ماقساتىندا كوتەرىلىپ، تاراتىلاتىن ماسەلەلەرگە ارالاسۋدان باس تارتۋدى سۇرايتىنىن ParsToday حابارلادى.

ءبىر ەلدىڭ مادەني ىقپالى مەن اتسالىسۋى ونىڭ تاريحى، مادەنيەتى مەن وركەنيەتىنىڭ بايلىعى، داستۇرىنە بايلانىستى. بۇل بولمىستىق، مادەني جانە تولىعىمەن تابيعي ءارى حالىقتىق ءىس بولىپ تابىلادى. بۇعان ەشبىر اسكەري، ەكونوميكالىق جانە ساياسي تەتىكتەر ارقىلى قول جەتكىزۋگە بولمايدى.

يراننىڭ ءپرينتسيپتى ساياساتى ءوزارا قۇرمەت، باسقا ەلدەردىڭ ىشكى ىستەرىنە ارالاسپاۋ، تۇراقتىلىق، قاۋىپسىزدىك پەن بەيبىتشىلىكتى نىعايتۋ جانە لاڭكەستىكپەن كۇرەسۋ ماقساتىندا تاتۋ كورشىلەستىك قاتىناس ورناتىپ،  كورشىلەس ەلدەرمەن، سونداي-اق ايماقتىق  جانە الەم ەلدەرىمەن ارىپتەستىك جاساۋعا نەگىزدەلگەن»،-دەپ قۋاتتادى.

ساۋد ارابياسى مەن مالايزيا مالەك سالماننىڭ وسى ەلگە جاساعان ساپارىنىڭ  سوڭىندا ورتاق مالىمدەمە جاريالاپ، يرانعا نەگىزسىز ايىپتار تاعىپ، تەھراندى ايماق ەلدەرىنىڭ ىشكى ىستەرىنە ارالاسادى دەپ ايىپتادى.

“The Qazaq Times”