يران تەڭىز كۇشتەرى جۇما كۇنى پارسى شىعاناعى مەن ءۇندى مۇحيتى اراسىندا تەڭىز اسكەري وقۋ-جاتتىعۋىن باستاماق. بۇل تۋرالى ير تەڭىز كۇشتەرىنىڭ باس قولباسشىسى، ادميرال حۋسەين حانزادي مالىمدەدى.

حۋسەين حانزادي مالىمدەمەسىندە، يران تەڭىز كۇشتەرى كەزەكتى «ۆەلايات-97» جاتتىعۋىن ير-عا قارسى كەز-كەلگەن اسكەري قادامدارعا قارسى تۇرا الاتىنىن جانە كورشىلەس ەلدەردىڭ ۇجىمدىق قاۋىپسىزدىك ارەكەتتەرىنە سەلبەسە الاتىنىن دالەلدەۋ ماقساتىندا وتكىزگەلى وتىرعانىن ايتقان.

مالىمەتكە قاراعاندا، يران تەڭىز كۇشتەرى ورمۋز بۇعازى مەن مەكران جاعالاۋى، ومان تەڭىزى مەن ءۇندى مۇحيتىنىڭ وڭتۇستىگىنە دەيىنگى ارالىقتا وتكىزىلمەك. 2 ملن شارشى شاقىرىم اۋماقتى قامتيتىن وقۋ-جاتتىعۋى ءۇش كۇنگە جالعاسادى.

يران تەڭىز اسكەري كۇشتەرى بۇل رەتكى جاتتىعۋعا پايدالانۋ مۇمكىندىگى بار بارلىق سۋ ءۇستى اسكەري-سوعىس تەحنيكالارىن پايدالانباق. سونداي-اق، ءتورت كەزەڭنەن تۇراتىن جاتتىعۋدىڭ مازمۇنى  بارىنشا كەڭەيتىلمەك.

“The Qazaq Times”