حالىقارالىق قىلمىستىق سوتى روحينجا مۇسىلماندارىنا قاتىستى تەرگەۋ باستادى

حالىقارالىق قىلمىستىق سوت (حقس، «International Criminal Court») ميانما بيلىگىنىڭ اراكان شتاتىنداعى مۇسىلمان تۇرعىندارعا قارسى قىلمىسىنا قاتىستى الدىن الا تەرگەۋلەر باستادى. بۇل تۋرالى «liberation.fr» حقس-تىڭ پروكۋرورى فاتۋ بەنسۋدانىڭ سوزىنە سىلتەمە جاساپ حابارلايدى.

ونىڭ سوزىنشە، حالىقارالىق قىلمىستىق سوتتا 700 مىڭ روحينجا مۇسىلماننىڭ بانگلادەشكە دەپورتاتسيالانۋىنا قاتىستى جەتكىلىكتى دەڭگەيدە دالەلدەر جيناقتالعان. ول حقس-تا اراكاندىق مۇسىلماندارعا قارسى قولدانىلعان قىلمىسقا دا قاتىستى مالىمەتتەر مەن قۇجاتتار بار ەكەنىن ايتىپ: «قحس روحينجا مۇسىلماندارىنىڭ نەگىزگى قۇقىقتارىنىڭ بۇزىلۋى تۋرالى قولدا بار مالىمەتتەردى، ادام ءولتىرۋ، جىنىستىق زورلاۋ، ورتەۋ، ۇرلاپ-توناۋ جانە كۇشتەپ كوشىرۋ سياقتى قىلمىستاردى زەرتتەيدى»، - دەدى. بۇدان بۇرىن گااگاداعى قحس ميانما بيلىگىنىڭ اراكان شاتاتىنداعى مۇسىلمان تۇرعىندارعا قارسى قىلمىستىق ىستەرىن تەرگەۋ جۇمىستارىنىڭ باستالعانى تۋرالى حابارلاعان ەدى. قحس مالىمدەمەسىندە الدىن الا تەرگەۋدى اياقتاۋعا قاجەتتى مەرزىم بەرۋ كەرەك، ول ءۇشىن جان-جاقتى تەرگەۋ ءۇشىن جەتكىلىكتى دالەلدەر جيناۋ مىندەتى تۇرعانى ايتىلعان. بۇدان بۇرىن، ميانمانىڭ سولتۇستىگىندەگى اراكان قالاسىنداعى مۇسىلماندارعا «قارۋلى توپپەن كۇرەس» دەگەن جەلەۋمەن شابۋىل جاسالىپ جاتقانى حابارلانعان ەدى. ايماقتاعى گۋمانيتارلىق جاعداي بىردەن تومەندەپ، اراكان قالاسىنىڭ بانگلادەشكە قاشقان تۇرعىندارىنىڭ سانى 700 مىڭعا جەتكەن.

“The Qazaq Times”