وڭتۇستىك كورەيا: پومپەونىڭ سولتۇستىك كورەيا ساپارىنان باس تارتۋى «باقىتسىزدىق» بولدى

وڭتۇستىك كورەيا ۇكىمەتى رەسمي مالىمدەمە جاساپ، اقش مەملەكەتتىك حاتشىسى مايك پومپەونىڭ سولتۇستىك كورەياعا جوسپارلانعان ساپارىنىڭ كەيىنگە قالدىرىلۋى «باقىتسىزدىق» بولدى دەپ باعالاعان. بۇل تۋرالى اقش-تاعى Associated Press حابارلادى.

دەگەنمەن، وڭتۇستىك كورەيا ۇكىمەتى وداقتاستاردىڭ باستى ماقساتى كورەي تۇبەگىنىڭ يادرولىق قارۋسىزدانۋىن قولعا كەلتىرۋ ەكەنىن، اقش سىندى وداقتاستارىمەن بىرگە بۇل باعىتتاعى تالپىنىستى ەشقاشان توقتاتپايتىنىن جەتكىزدى. وسىعان دەيىنگى كورەي تۇبەگىنىڭ جاعدايىمەن سالىستىرعاندا، يادرولىق قارۋسىزداندىرۋ ىسىندە زور ىلگەرىلەۋشىلىكتىڭ بارىنا قاناعات ەتىپ وتىر. 

دەگەنمەن، ترامپ سولتۇستىك كورەيامەن كەلىسسوز ۇستەلىندە قول جەتكىزگەن تابىستارىنا قاناعات ەتە الماي وتىر. ول سولتۇستىك كورەيانىڭ بىردەن يادرولىق قارۋلارىنان باس تارتىپ، قۇراما شتاتتىڭ ەكونوميكالىق دامۋعا دەگەن كومەگىن قابىلداۋىن ءۇمىت ەتكەن. الايدا، سولتۇستىك كورەيا سوڭعى كەزدەرى يادرولىق نىساندارىن جويۋ جۇمىستارىن توقتاتىپ تاستادى. 

ترامپ وسىمەن قاتار كورەي تۇبەگىندەگى يادرولىق قارۋسىزدانۋ پروتسەسىنە اقش-تىڭ كوشباسشىلىق ەتۋىن قىتاي بيلىگى قولداماي وتىر دەگەندى دە ايتقان ەدى.   

“The Qazaq Times”