تۇركيادا بوسقىندار مىنگەن قايىق سۋعا باتىپ كەتتى

تۇركيانىڭ كۋشاداسى ايماعىنداعى ەگەي جاعالاۋىندا بوسقىندار مىنگەن قايىق سۋعا باتىپ كەتتى. قايعىلى وقيعا سالدارىنان جەتى بالا مەن ەكى ايەل قازا تاپقان. بۇل تۋرالى  «Anadolu» اگەنتتىگى حابارلايدى.

تۇركيانىڭ جاعالاۋ كۇزەتى قىزمەتىنىڭ ەكيپاجى ءتورت ادامدى امان الىپ قالعان. امان قالعانداردىڭ سوزىنشە، قايىقتا 13 بوسقىن بولعان. ولاردىڭ ءبارى گرەكياعا بەت العان. بۇدان بۇرىن دا، 26 شىلدەدە يسپانيالىق تەڭىز قۇتقارۋشىلارى قايىقپەن گيبرالتار بۇعازىن ءجۇزىپ ءوتۋدى كوزدەگەن 774 بوسقىندى ەۆاكۋاتسيالاعان ەدى. يسپانيالىق قۇتقارۋشىلاردىڭ ايتۋىنشا، بوسقىندار 52 قايىققا تيەلگەن.

“The Qazaq Times”