فوتو: avim.org.tr

تۇركيالىق شەنەۋنىكتەردەن قۇرالعان دەلەگاتسيا جاقىن كۇندەرى تۇركيا مەن اقش-تىڭ ارا-قاتىناسىنداعى شيەلەنىستى رەتتەۋ ءۇشىن ۋاشينگتونعا بارماق. بۇل تۋرالى بۇگىن، سەيسەنبى كۇنى «CNN Turk» تەلەارناسى ديپلوماتيالىق ورگانداردىڭ ءباسپاسوز قىزمەتتەرىنە سىلتەمە جاساي وتىرىپ حابارلادى.

تەلەارنانىڭ مالىمەتىنشە، انكارا مەن ۋاشينگتون كەيبىر ماسەلەلەرگە قاتىستى الدىن الا كەلىسىمگە بارعان. الايدا، ناقتى قانداي كەلىسىمدەر ەكەنى تۋرالى مالىمەت جوق.

ەسكە سالايىق، 1 شىلدە كۇنى اقش-تىڭ قارجى مينيسترلىگى تۇركيانىڭ ىشكى ىستەر ءمينيسترى سۇلەيمەن سويلۋ مەن ادىلەت ءمينيسترى ءابدۇلحاميد گۇلگە قارسى سانكتسيا ەنگىزگەن ەدى. اقش-تىڭ بۇنداي قادامعا بارۋىنا انكارانىڭ امەريكالىق پاستور ەندريۋ برانسوننىڭ وتانىنا قايتۋىنا رۇقسات ەتپەۋى سەبەپ بولعان ەدى.

“The Qazaq Times”