ساۋد ارابياسى يەمەندەگى حاۋتي باسقىنشىلار توبى تاراپىنان ەر-ريادقا قارسى اتىلعان بالليستيكالىق زىمىراننىڭ ارتىندا يران تۇرعانىنا سەنىمدى. ول تەھراننىڭ بۇل ارەكەتىن "سوعىس قيمىلدارىنىڭ كورىنىسى" دەپ تاۋىپ، يران بۇۇ قاۋىپسىزدىك كەڭەسىنىڭ يەمەندەگى توپتارعا قارۋ تاسىمالداۋعا تىيىم سالاتىن №2216 رەزوليۋتسياسىن بۇزدى دەپ حابارلادى. بۇل تۋرالى ءال-جازيرا اقپاراتتىق اگەنتتىگى جازدى.
بۇگىن ساۋد ارابياسىنىڭ مەملەكەتتىك SPA اقپاراتتىق اگەنتتىگى ارقىلى جاريالانعان حابارلامادا" زىمىران قالدىقتارىنا جۇرگىزىلگەن زەرتتەۋلەر ونىڭ يراندا دايىندالعانىن راستاعانى" ايتىلعان. سونداي-اق، وندا: "يران حاۋتي باسقىنشىلارىنا ساۋد ارابياسىنىڭ حالقى مەن ۇلتتىق مۇددەلەرىنە قارسى قولدانۋ ماقساتىندا قارۋ جەتكىزگەن", - دەلىنگەن. ساۋد ارابياسى بۇل جاعدايدى بۇكىل وڭىرگە جانە الەمگە قاۋىپ توندىرەتىن اكت دەپ ساناپ، يران وزىنە استىرتىن سوعىس جاريالاپ وتىرعانىن مالىمدەدى.
ساۋد ارابياسى يەمەندەگى حاۋتي بەلسەندىلەرى تۋرالى اقپارات ءۇشىن ونداعان ميلليون سىياقى تاعايىنداپ، توپتىڭ 40-قا جۋىق مۇشەلەرىن قولعا ءتۇسىردى. بالليستيكالىق زىمىران ۇشىرىلعاننان كەيىن بىرنەشە ساعات وتكەن سوڭ، ساۋد ارابياسى كۇشتەرى سانا ءوڭىرىن بومبىلادى.
يەمەندە 2015 جىلى باستالعان ازاماتتىق سوعىستى ساراپشىلار ساۋد ارابياسى مەن يران اراسىنداعى "پروكسي-سوعىس" دەپ اتايدى. ويتكەنى ولاردىڭ ارقايسىسى وڭىردەگى بيلىگىن كۇشەيتۋ ءۇشىن يەمەندەگى ءبىر-بىرىنە قاراما-قايشى توپتاردى قولداپ وتىر. جەرگىلىكتى قاقتىعىستار ناتيجەسىنەن مۇندا 10 مىڭعا جۋىق ادام قازا تاپقان.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى