رەسەيدىڭ بۇرىنعى ەكونوميكالىق دامۋ ءمينيسترى الەكسەي ۋليۋكاەۆ وسى سارسەنبىدە ءوزىنىڭ پارا الۋ وقيعاسىن "روسنەفت باسشىسى يگور سەچين مەن فەدەرالدى قاۋىپسىزدىك قىزمەتى بىرىگىپ، قولدان ۇيىمداستىرعان دەگەن مالىمدەمە جاسادى. بۇل تۋرالى Reuters اقپاراتتىق اگەنتتىگى جازدى.
الەكسەي ۋليۋكاەۆ 2016 جىلى 15 قاراشادا قىزمەتىنەن بوساتىلىپ، "روسنەفت" كومپانياسى وكىلدەرىنەن 2 ملن اقش دوللارى كولەمىندە پارا سۇراعانى ءۇشىن جاۋاپكەرشىلىككە تارتىلىپ ەدى.
"ماعان قارسى وبەكتيۆتى دالەلدەر ءالى ۇسىنىلعان جوق. مۇنىڭ ءبارى قولدان ۇيىمداستىرىلعان", - دەدى ول.
ول "روسنەفت" كومپانياسىنىڭ باسشىسى يگور سەچيننىڭ جۇمىس بولمەسىندە تۇتقىندالعان بولاتىن. بۇرىنعى مينيستر وزىنە قارسى فەدەرالدى قاۋىپسىزدىك قىزمەتى مەن "روسنەفت" كومپانياسىنىڭ بىرىگىپ قۇرعان تۇزاعىنا بايقاۋسىزدا ءتۇسىپ قالعانىن ايتادى.
Reuters اقپاراتتىق اگەنتتىگىنىڭ وسى مالىمدەمەگە قاتىستى "روسنەفت" كومپانياسى باسشىلىعىنىڭ پىكىرىن سۇراپ جولداعان حاتى جاۋاپسىز قالدى. ال الەكسەي ۋليۋكاەۆ ءىسىن نازاردان قالدىرماي كۇندەلىكتى جازىپ وتىرعان رەسەي باسىلىمدارى "روسنەفت" وكىلدەرى: "الەكسەي ۋليۋكاەۆقا قارسى ءىس قوزعاعان ءبىز ەمەس، مەملەكەت. سوندىقتان بىزگە قانداي دا ءبىر سۇراقتار قويۋ نە ايىپتاۋ ورىنسىز" دەگەنىن جازدى.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى