تۇركيا يزرايل ساياساتىنا رەاكتسيا ءبىلدىرىپ وتىر. فوتو: Vesti.mk.

تۇركيا پرەزيدەنتى رەجەپ تايىپ ەردوعان يسلام وركەنيەتىنىڭ باتىس تاراپىنان باسىپ الىنباعان جالعىز وركەنيەت ەكەنىن ايتتى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلايدى.

ەردوعان وسىعان دەيىن مۇسىلمان الەمىنە ۇندەۋ تاستاپ, ءال-اقسا مەشىتىن مۇسىلمانداردىڭ يەلىگىنە وتكىزگىسى كەلەتىنىن ايتقان بولاتىن. بۇل رەتتە پرەزيدەنت ۇيىندە "يسلام الەمى جوعارى وقۋ الاڭىنىڭ قالىپتاستىرۋ" تاقىرىبىنداعى جينالىستا سويلەگەن سوزىندە يزرايل ۇكىمەتىنىڭ ال-اقسا مەشىتىندەگى مەتالل دەتەكتوردى الىپ تاستاعانىن القادى.

دەسە دە، ەردوعان ءيزرايلدىڭ مەتالل دەتەكتوردى الىپ تاستاۋ ارەكەتىنىڭ مۇسىلماندار مۇددەسىن قورعاۋداعى جەتكىلىكتى ءىس ەمەس ەكەندىگىن، جۇما كۇندەرى مەشىت قاقپاسىنىڭ مۇسىلماندارعا جابىق تۇراتىنداعىنا نارازى.

ءسوز سوڭىندا ەردوعان يزرايل اكىمشىلىگىنىڭ يەرۋساليمنىڭ يسلامي ەرەكشەلىكتەرىن بۇزۋعا تىرىسقانىن قاتاڭ ايىپتادى. ءال-اقسا مەشىتىنىڭ قادىرىن قورعاۋدىڭ بۇكىل يسلام الەمىنىڭ پارىزى ەكەنىن اتاپ كورسەتتى. ول: «يزرايل مىنانى ەستە ساقتاۋى كەرەك – بۇل الەمدە بەيبىت ءومىر سۇرگىڭىز كەلسە، وزگەلەردى قورقىتۋدىڭ ورنىنا، ءوزىن جانە ايماقتى وتقا ورايتىن ساياساتتاردان اۋلاق بولۋ كەرەك.  يسلام وركەنيەتى باتىس تاراپىنان باسىپ الىنباعان جالعىز وركەنيەت»، – دەدى.

“The Qazaq Times”