كيىمدى ءوزى كەپتىرىپ، ۇتىكتەپ، رەتتەيتىن عاجايىپ-ماشينا ويلاپ تابىلدى

ءومىرىمىزدى جەڭىلدەتەتىن  گادجەتتەر ويلاپ تاۋىپ جاتقان كومپانيالار كۇن ساناپ تاڭ قالدىرۋدا. دەسە دە، ءبىز ءسوز ەتكەلى وتىرعان ماشينانى كورگەن كەزدەگى تاڭ قالىسىمىزدى  سوزبەن ايتىپ جەتكىزۋ مۇمكىن ەمەس. بۇدان بىلاي ادام بالاسى كيىم-كەشەكتەرىن ۇتىكتەپ، بۇكتەمەيدى. ەندى، ونى FoldiMate جاسايدى.

بۇل ينوۆاتسيالىق  ونەرتابىستى سان-فرانتسيسكوداعى يزرايلدىك تالانتتى ينجەنەرلەر – گال روزوۆ، ومەر ەيناۆ جانە يتسحاك ورباح ويلاپ تاپقان.

بۇل عاجايىپ-ماشينا نە ىستەيدى؟ وتە وڭاي: ول كيىمدەرىڭىزدى كەپتىرەدى، ۇتىكتەيدى جانە رەت-رەتىمەن بۇكتەپ بەرەدى. ول ءۇشىن 10-15 كيىمىڭىزدى FoldiMate-كە قويساڭىز بولعانى. شامامەن 1 مينۋت ۋاقىت كولەمىندە كوز الدىڭىزدا سول زاتتارىڭىز ءمىنسىز (ۇتىكتەلگەن، بۇكتەلگەن) قالپىندا تۇرادى.

اتالمىش ونەرتابىستىڭ العاشقى تۇتىنۋشىلارى بولماق نيەتپەن بىرنەشە ادام تاپسىرىس تا بەرگەن. ولارعا بۇل تاۋار جىل باسىندا جەتكىزىلەدى. بۇنداي قۇرالدى ساتىپ الۋ ءۇشىن قالتاڭىزدان 700-800 اقش دوللار قاراجات كەتەدى. بىراق بۇل ءتيىمدى ينۆەستيتسيا، ويتكەنى قولدىڭ كۇشىن جانە ۋاقىتىڭىزدى ۇنەمدەيسىز.

FoldiMate قالاي جۇمىس ىستەيدى؟ بارلىعى كونۆەيەرلىك لەنتالار مەن بىرنەشە روبوتتالعان مانيپۋلياتورلار ارقىلى. ءسىزدىڭ كيىمدەرىڭىز ىستىق پارعا سالىنادى جانە ارنايى «روبو-قولدارمەن» بۇكتەلەتىن بولادى. سونىمەن قاتار، كيىمدەرىڭىزگە جۇپار ءيىس بەرۋ ءۇشىن، ارنايى كاپسۋلالاردى الىپ قويۋيايىڭىزعا دا بولادى.

ال مىناۋ ۆيدەو عاجايىپ-ماشينكانىڭ قالاي جۇمىس ىستەيتىنىن ايشىقتاپ كورسەتەدى.

گۇلىم رىسقۇل

"The  Qazaq Times"