شىلدەنىڭ 22-23 كۇندەرى تۇركيانىڭ بۋرسا قالاسىندا وسىمەن ەكىنشى رەت ۇيىمداستىرىلىپ وتىرعان «تۇرىك الەمى ۇلتتىق سپورت فەستيۆالى» وتەدى دەپ حابارلايدى تۇركيا راديو تەلەديدار مەكەمەسىنىڭ رەسمي سايتى.

فەستيۆالگە ەلىمىزدىڭ ۇلتتىق سپورت ويىنشىلارى مەن قول ونەر شەبەرلەرى دە قاتىسادى دەپ كۇتىلۋدە. فەستيۆال اياسىندا كوكپار، كۇرەس تۇرلەرى، بايگە، مانگالا، ساداق اتۋ، اسىق ويىنى سەكىلدى ۇلتتىق ويىندار وينالماق. سونىمەن قاتار قازاق، قىرعىز، كاۆكاز فولكلورى جانە اقىندار ايتىسى دا كورسەتىلەدى.

شارا اياسىندا كوكتۇرىك ءالىپبيىن ۇيرەتەتىن ساباق بەرىلىپ، قازاق، قىرعىز، ۇيعىر، وزبەك، تۇرىكمەن، تاتار، نوعايلاردىڭ قول ونەرلەرى، مادەني بۇيىمدارى مەن ۇلتتىق كيىمدەرى تانىستىرىلماق.

“The Qazaq Times”