يران قۇراماسىنىڭ ويىنشىلارى.

فۋتبولدان يران قۇراماسى وزبەكستان ۇلتتىق قۇراماسىن 2:0 ەسەبىمەن جەڭىپ، 2018 جىلى رەسەيدە وتەتىن الەم چەمپيوناتىنا جولداما الدى.

يارن قۇراماسى 2018 جىلعى الەم چەمپيوناتىنا ىرىكتەۋ ويىندارى اياسىندا ءوز الاڭىندا وزبەكستان قۇراماسىن قابىلداپ 2:0 ەسەبىمەن جەڭىسكە جەتتى.

يران ساپىندا ويىننىڭ 23 مينۋتىندا رەسەيدىڭ "روستوۆ" كلۋبىنىڭ ويىنشىسى سەردار ازمۋن ەسەپ اشتى. ال 88 مينۋتتا مەحدي تارەمي ەسەپتى ەسەلەدى.

وسىلايشا يران ا توبىندا 20 ۇپايمەن كوش باستاسا، ەكىنشى ورىندا 13 ۇپايمەن وڭتۇستىك كورەيا قۇراماسى تۇر. ال ءۇشىنشى ورىندا 12 ۇپايمەن وزبەكستان قۇراماسى كەلە جاتىر.

“The Qazaq Times”