اقش-تىڭ جاڭا سايلانعان پرەزيدەنتى دونالد ترامپ ءوزىنىڭ العاشقى رەسمي ءباسپاسوز كونفەرەنتسياسىن 11 قاڭتاردا نيۋ-يوركتە وتكىزەتىنىن حابارلادى. بۇل جونىندە ول Twitter-گە جازدى.

ترامپ كونفەرەنتسيادا پرەزيدەنت قىزمەتىن اتقارا ءجۇرىپ ءارى ءىرى بيزنەسمەن بولا وتىرىپ مۇددەلەر قاقتىعىسىنان قالاي قۇتىلماق ەكەنىن ايتۋى ىقتيمال.

بۇعان دەيىن ترامپ باق-پەن جانە ازاماتتارمەن Twitter-دە قىسقا حات-حابار الماسۋ، سيرەك سۇحباتتار بەرۋ، جاقتاستارىنىڭ جيىنىندا سويلەۋ ارقىلى بايلانىس ورناتۋدى قالايتىننى بىلدىرگەن.

ترامپ 3 قاڭتاردا وتكىزۋدى جوسپارلاعان 2016 جىلعى سايلاۋ كەزىندە رەسەيدىڭ حاكەرلىك شابۋىلى ماسەلەسىنە قاتىستى بريفينگىن ارنايى قىزمەتتەن بۇل تاقىرىپ جونىندە قاجەتتى ماتەريال الماعانىن ايتىپ، 6 قاڭتارعا ىسىرعان.

centralasian.org