دونالد ترامپ يسلام ءدىنى جايىندا بايانداما جاساماق

جۇما كۇنى  دونالد ترامپ ساۋد ارابياسىنا رەسمي ءىس ساپارمەن بارادى دەپ مالىمدەدى اقش پرەزيدەنتىنىڭ ۇلتتىق قاۋىپسىزدىك بويىنشا كەڭەسشىسى گەربەرت ماكماستەر.

گەربەرت ماكماستەر جۋرناليستەرگە بەرگەن سۇحباتىندا « دونالد ترامپ ساۋد ارابياسىندا يسلام ءدىنى جايىندا كەڭ كولەمدە ءسوز سويلەيدى. بۇل ترامپتىڭ اقش پرەزيدەنتى رەتىندە شەت ەلگە جاساعالى وتىرعان العاشقى ءىس ساپارى. وندا ول يسلامداعى راديكاليزم، تەرروريممەن كۇرەس جايىندا بايانداما جاسايدى.» دەگەن.

دونالد ترامپ جۇما كۇنى ساۋد ارابياسىندا ەلۋگە تارتا مۇسىلمان مەملەكەتتەرىنىڭ باسشىلارىمەن كەزدەسەدى. بۇدان بولەك ول يزرايل مەن ۆاتيكانعا بارادى دەپ كۇتىلۋدە. دونالد ترامپ ءوزىنىڭ اقش پرەزيدەنتى رەتىندە جاساعالى وتىرعان العاشقى ءىس ساپارىندا باس، اياعى 10 كۇن ىشىندە بەس مەملەكەتكە بارماق.

ەستەرىڭىزگە سالايىق دونالد ترامپ پرەزيدەنت سايلاۋ كەزىندە امەريكا جۇرتشىلىعىن مۇسىلمانداردى ەلگە كىرگىزبەۋگە شاقىرعان بولاتىن.

“The Qazaq Times”