اقش قىتايدىڭ ء"بىر بەلدەۋ - ءبىر جول" فورۋمىنا قاتىسادى

اقش قىتايدىڭ ء"بىر بەلدەۋ - ءبىر جول" ستراتەگياسىن ماڭىزدى دەپ تاپتى. ەندى ولار الدا بولاتىن فورۋمعا قاتىسۋعا وكىلدەرىن جىبەرەدى. بۇل تۋرالى قىتاي حالىق رەسپۋبليكاسىنىڭ قارجى ءمينيسترى چجۋ گۋانياو مالىمدەدى. فورۋم پەكين قالاسىندا 14-15 مامىردا وتەدى. 

"امەريكا تاراپى ء"بىر بەلدەۋ - ءبىر جول" ستراتەگياسىنىڭ ماڭىزدى ەكەنىن ءتۇسىندى. ەندى ولار الداعى كۇندەرى بولاتىن فورۋمعا ءوز وكىلدەرىن جىبەرەدى", - دەپ كەلتىرەدى  ريا نوۆوستي چجۋ گۋانياونىڭ ءسوزىن. الايدا ول كەلەتىن وكىلدەردىڭ ىشىندە ناقتى كىمنىڭ بولاتىنىن ايتپاعان.

الدىن الا جاريالانعان مالىمەتتەرگە سۇيەنسەك، اتالعان فورۋمعا 29 ەلدىڭ پرەزيدەنتتەرى مەن پرەمەر مينيسترلەرى قاتىسادى.

بۇدان بۇرىن قىتايدىڭ سىرتقى ىستەر ءمينيسترى ۆان ي كەيبىر باتىس ەلدەرىنىڭ فورۋمعا قاتىسپاۋىن ساياسي داقپىرتقا اينالدىرماۋ كەرەكتىگىن ايتقان. ونىڭ سوزىنشە، فرانتسيا، گەرمانيا سياقتى ەلدەر فورۋمعا قاتىسپاق نيەتتە بولعان. الايدا مەملەكەتتەردەگى سايلاۋعا بايلانىستى كوشباسشىلاردىڭ كەلە المايتىنى بەلگىلى بولدى.

“The Qazaq Times”