فوتو: Daily Mail

اقش ازاماتتارىنا سولتۇستىك كورەياعا ساياحاتتاي بارۋعا قاتاڭ شەكتەۋ قويىلدى. بۇل شەكتەۋدى اقش سىرتقى ىستەر مينيسترلىگى جاساپ وتىر. اتالعان مينيسترلىك جاريالاعان جازباشا ەسكەرتۋدە بىلاي دەپ كورسەتىلگەن: «سولتۇستىك كورەياداعى اقش ازاماتتارىن ەلدىڭ زاڭىنا سايكەس تەرگەۋگە الۋ جانە ۇزاق مەرزىمگە قاماۋ ىستەرىنە بايلانىستى قاتاڭ شەكتەۋ قويىلادى». بۇل تۋرالى «شينلاڭ» اقپاراتتىق اگەنتتىگى حابارلاپ وتىر.

سولتۇستىك كورەيا مەن اقش اراسىندا ديپلوماتيالىق قارىم-قاتىناس بولماعاندىقتان سول ەلگە ساياحاتتاي بارعان اقش ازاماتتارىنا كونسۋلدىق قىزمەت كورسەتۋگە شاراسىز. اقش-تا قىلمىس بولىپ سانالمايتىن كەيبىر ارەكەتتەر ءۇشىن اقش ازاماتتارىنىڭ سولتۇستىك كورەيادا سوتتالۋى سوڭعى كەزدە ەكى ەل ارا قاتىناسىنا ۇلكەن اسەر ەتىپ وتىر.

اقش ۇكىمەتىنىڭ بەرگەن مالىمەتىنە سۇيەنسەك، سوڭعى ون جىلدا 16 اقش ازاماتى سولتۇستىك كورەيادا سوتتالعان ەكەن. سونىڭ كوبىنە تاعىلاتىن ايىپ، ساياسي ۇگىت-ناسيحات تاراتۋ جانە تىڭشىلىق ايىپ تاعىلعان. ەستەرىڭىزگە سالا كەتەيىك، جاقىندا عانا كورەي تەكتى كيم ساڭ-داك ەسىمدى امەريكا ازاماتىن سولتۇستىك كورەيا ۇكىمەتى تىڭشىلىق ايىبىمەن سوتتاعان بولاتىن. دەسە دە، قاتاڭ تۇردە جاسالعان ەسكەرتۋ مەن شەكتەۋ شاراسىنا قاراماستان، امەريكادان سولتۇستىك كورەياعا ساياحاتتاي بارعىسى كەلەتىندەر ءالى دە بار.

"The Qazaq Times"