قىتاي وڭتۇستىك كورەيادا اقش-تىڭ تنااD زىمىرانعا قارسى قۇرىلعىسىن ورنالاستىرۋىنا قارسى

قىتاي اقش-تىڭ وڭتۇستىك كورەياعا تنااD زىمىراندارعا قارسى قورعانىس قۇرىلعىسىن ورنالاستىرۋىنا قارسى بۇل جايىندا قىتايدىڭ سىرتقى ىستەر ءمينيسترى گەن شۋان ءباسپاسوز ءماسليحاتىندا مالىمدەدى.

ءباسپاسوز ءماسليحاتىندا گەن شۋان «ءبىز  اقش-تىڭ وڭتۇستىك كورەيا اۋماعىندا تنااD زقق ورنالاستىرۋىنا قارسىمىز. ەگەر بۇل وسىلاي جالعاسى بەرەتىن بولسا قىتاي ءوز كوزقاراسىن قورعاۋ ءۇشىن بەلگىلى ءبىر قادامدارعا بارادى» دەگەن.

بۇدان بۇرىن اقش-تىڭ سەۋلدەگە اسكەري وكىلى روب مەننينگ وڭتۇستىك كورەيا اۋماعىندا تنااD زىمىرانعا قارسى قورعانىس قۇرىلعىسى ورنالاسىپ بولعانىن جانە ونىڭ سولتۇستىك كورەيانىڭ زىمىراندارىن اتىپ تۇسىرۋگە دايىن ەكەندىگىن ايتقان بولاتىن.

ال بەيجىڭ مەن ماسكەۋ اقش-تىڭ تنااD قۇرىلعىسى وڭتۇستىك كورەياعا پحەنيان زىمىراندارىن اتىپ ءتۇسىرۋ ءۇشىن ەمەس، رەسەي مەن قىتايدىڭ بالليستيكالىق قۇرىلعىلارىن اتىپ تۇسىرۋگە كەرەكتىگىن ايتىپ الاڭداۋشىلىقتارىن بىلدىرگەن ەدى.

تنااD قۇرامىندا 9 جىلجىمالى زىمىرانعا قارسى قۇرىلعى بار. ولاردىڭ ءار قايسىسى ءبىر ۋاقىتتا 8 زىمىراندى اتىپ تۇسىرۋگە قاۋقارلى جانە ولار ءترۇ-2 زىمىرانعا قارسى رادارمەن جابدىقتالعان.

“The Qazaq Times”