«مەن ءۇشىن كيم چەن ىنمەن كەزدەسۋ ۇلكەن قۇرمەت» دەدى دونالد ترامپ بلۋمبەرگ باسىلىمىنا بەرگەن سۇحباتىندا.

ءبىر كۇن بۇرىن سي-بي-ەس  تەلە ارناسىنا بەرگەن سۇحباتىندا اقش پرەزيدەنتى دونالد ترامپ سولتۇستىك كورەيا باسشىسىن «اقىلدى بالاقاي» دەگەن بولاتىن.

بۇعان دەيىن سەنبى كۇنى سولتۇستىك كورەيا ءوزىنىڭ تاعى ءبىر بالليستيكالىق زىمىرانىن سىناقتان ءساتسىز وتكىزگەن ەدى. وسىدان كەيىن رەسەي قيىر شىعىسىنداعى اۋە قورعانىسىنا سوعىس جاعدايىن ەنگىزگەن بولاتىن. بىراق سوڭعى بەرگەن سۇحباتتارىندا دونالد ترامپ بۇل جايىندا ەش نارسە ايتقىسى كەلمەيتىنىن مالىمدەدى. تەك قىتاي باسشىسى شي جينپينگە سولتۇستىك كورەيا ماسەلەسىن شەشۋدە ات سالىسىپ، كيم چەن ىنعا قىسىم جاساپ جاتقانىنا العىسىن بىلدىرگەن.

The Qazaq Times