قىرعىزستاننىڭ قاۋىپسىزدىك قىزمەتكەرلەرى "Bayraktar AKINCI" درونىن جانە باسقا اسكەري تەحنيكانى قولدانۋدى ۇيرەنگەنىن تۇركيانىڭ Baykar كومپانياسى مالىمدەدى، -دەپ جازدى ورتالىق ازيا جاڭالىقتار قىزمەتى.
كومپانيا تۇركيادا قىرعىزستاندىق، تۇركيالىق جانە ازەربايجاندىق قاۋىپسىزدىك قىزمەتكەرلەرى دروندى قولدانۋ كۋرسىن اياقتاعانىن 8 ساۋىردە فەيسبۋك پاراقشاسىنا جاريالادى.
"انادولۋ" اگەنتتىگىنىڭ مالىمەتىنە قاراعاندا، جالپى 96 كۋرسانت اۋەدەن قورعانىس اسكەري تەحنيكاسىن قولدانۋدى ۇيرەنىپ، ولارعا سەرتيفيكاتتار تاپسىرىلعان.
"تۇركيا، ازەربايجان جانە قىرعىزستاننىڭ قاۋىپسىزدىك كۇشتەرى وكىلدەرى بار 96 كۋرسانت وقۋدى ءساتتى اياقتادى", - دەپ ايتىلعان مالىمەتتە.
وسىعان دەيىن قىرعىزستاننىڭ اۋەدەن قورعانۋشى "اكسۋنگۋر", "اكىنجى", "انكا" اسكەري تەحنيكاسىن، "بايراكتار" درونىن العانىن رەسمي مالىمدەگەن.
