7 ساۋىردە تاراز قالاسىنداعى ءىىم قىلمىستىق-اتقارۋ جۇيەسى كوميتەتىنىڭ №67 مەكەمەسىندەگى سوتتا تارازداعى قاندى قاڭتاردى ۇيىمداستىردى، قاتىستى، دەپ ايىپتالىپ جاتقان 9 ازاماتقا ايىپتاۋشى پروكۋرور 20 جىلعا دەيىنگى قاماۋ جازاسىن سۇرادى.

بۇعان دەيىن رەداكتسيادان جۋرناليستەر بارىپ 2-3 رەت قاتىسىپ قاماۋداعى ازاماتتارمەن تىلدەسكەن. سوڭعى كەزدەرى جۋرناليستەردى سوت زالىنا جىبەرمەي قويعان-تۇعىن.

قامالعان ازاماتتاردىڭ وزدەرى جانە جاقىندارى مەن قورعاۋشىلارىنىڭ ايتۋىنشا الدىن الا تەرگەۋدە ورەسكەل زاڭ بۇزۋشىلىقتار بولعان. سونداي-اق تەرگەۋ تارابى وزدەرىنە ىڭعايلى جالعان كۋاگەر دايىنداعان. ءبىر-ءبىرىن كورسەتىپ بەرۋ تۋرالى ۇسىنىس ايتىلعان. ىستەگى بەينە جازبالار قىسقارتىلىپ تەرگەۋ تارابىنىڭ ىعايىنا قاراي مونتاجدالعان.

قاماۋداعى ازاماتتاردىڭ ەندىگى تاعدىرى سۋديا قادىربەك نۇرجاننىڭ قولىندا.
ايىپتاۋشى پروكۋرور 3 ازاماتقا 5-6 جىل سۇراپ راقىمشىلىق زاڭىنا ساي سوت زالىنان بوساتۋدى، ال قالعاندارىن 6 جىلدان 20 جىلعا دەيىن قاماۋ جازاسىن كەسۋدى سۇرادى.
1. ايبول ساعىنتاي – قىلمىستىق كودەكستىڭ 272-بابىنىڭ 1,2,3-بولىگىمەن; 7 جىل قاماۋ جازاسىن;
2. داۋرەن نۇراليەۆ – قىلمىستىق كودەكستىڭ 272-بابىنىڭ 1,2,3-بولىگىمەن; 6 جىل قاماۋ جازاسىن;
3. ەربول جۇمانوۆ – قىلمىستىق كودەكستىڭ 24-بابى 3-بولىگى نەگىزىندە 291-بابى 3-بولىگى 4-تارماعى، 380-1-بابى 2-بولىگى 10-تارماعى، 287-بابى 4-بولىگىمەن; 20 جىل قاماۋ جازاسىن;
4. جاقسىلىق ابدۋللاەۆ – قىلمىستىق كودەكستىڭ 272-بابىنىڭ 1,2,3-بولىگىمەن; 7 جىل قاماۋ جازاسىن;
5. نۇراحان ماحاتوۆ – قىلمىستىق كودەكستىڭ 272-بابىنىڭ 1,2,3-بولىگىمەن; 7 جىل قاماۋ جازاسىن;
6. قانات نۇراحانۇلى – قىلمىستىق كودەكستىڭ 28-بابى 5-بولىگى نەگىزىندە 272-بابىنىڭ 1, 2, 3-بولىكتەرى جانە 28-بابى 3-بولىگى نەگىزىندە 291-بابى 3-بولىگى 4-تارماعىمەن; 7 جىل قاماۋ جازاسىن;
7. سالامات قوسانوۆ – قىلمىستىق كودەكستىڭ 272-بابىنىڭ 2-بولىگىمەن 5 جىل سۇراپ، راقىمشىلىق زاڭىنا ساي سوت زالىنان بوساتۋدى;
8. دوسمۇحامبەت سادىقوۆ – قىلمىستىق كودەكستىڭ 272-بابى 2-بولىگىمەن; 5 جىل سۇراپ، راقىمشىلىق زاڭىنا ساي سوت زالىنان بوساتۋدى;
9. ەرماحان سايلاۋوۆ – قىلمىستىق كودەكستىڭ 24-بابى 3-بولىگى نەگىزىندە 291-بابى 3-بولىگى 4-تارماعىمەن جانە 287-بابى 4-بولىگىمەن; 6 جىل سۇراپ، راقىمشىلىق زاڭىنا ساي سوت زالىنان بوساتۋدى سۇرادى.

تومەندەگى بەينەدەن ايىپتالىپ جاتقان ازاماتتاردىڭ جان ايقايىن تىڭداي الاسىزدار.