مەرەكەلەردىڭ تورەسى جانە ەڭ كونەسى، جەر انانىڭ ومىراۋى ءيىپ، تۇلا بويى يسىنەتىن، تابيعات جان-دۇنيەسىمەن جادىراپ، وزەگىنەن قاۋاشاق جارىپ، كوكورىم ءومىردىڭ ءنارىن كوكتەتەتىن، تىرشىلىك بىتكەننىڭ تۋلاي اققان قانىن جاڭاشا جاسارتاتىن، ەڭ باستىسى جاساندى ەمەس، تابيعاتتىڭ ءوزى، ءتاڭىردىڭ قالاۋىمەن تويلاناتىن تەكتى مەرەكە.
ناۋرىز – جەتى دامنەن ءنارلى كوجە جاساپ، جاتتىڭ دا جاقىننىڭ دا ءبىر-بىرىنە ءدام تاتقىزاتىن، اق داستارقان باسىندا القا-قوتان بىرگە اس ىشەتىن ىنتىماق پەنبىرلىكتىڭ مەرەكەسى. ناۋرىز – جىل بويى وتكەن-كەتكەن رەنىشتى كەشىرىپ، ءان-كۇيمەن، ويىن-ساۋىقپەن جاندى جادىراتىپ، سانانى سەرپىلتەتىن كوڭىل-كۇيدىڭ مەرەكەسى. جاڭا جىل – ۇلىستىڭ ۇلى كۇنى ناۋرىز مەرەكەسى قۇتتى بولسىن! بارشاڭىز ادامدىق يگىلىكتەردىڭ ەڭ قۇتتى دا قۋانىشتى، ىرىستى دا تىنىستى جاقسىلىقتارىمەن قاۋىشىڭىزدار! ءاز ناۋرىز قۇتتى بولسىن، قازاق ەلى!
