5 اقپاندا گەرمانيانىڭ باس پروكۋرورى رەسەي قارۋلى كۇشتەرىنىڭ ۋكرايناداعى قىلمىستارىن دالەلدەيتىن جۇزدەگەن ايعاق جينالعانىن مالىمدەدى. بۇل تۋرالى ازاتتىق راديوسى جازدى.
باس پروكۋرور پەتەر فرانك Welt am Sonntag گازەتىنە بەرگەن سۇحباتىندا: "بۋچاداعى قىرعىن مەن ۋكراينانىڭ ازاماتتىق ينفراقۇرىلىمىنا جاسالعان شابۋىلدى زەرتتەپ جاتىرمىز" دەدى. ونىڭ سوزىنشە، ۋكراينا بوسقىندارى كوپتەگەن مالىمەت بەرگەن.
France-Press جازۋىنا قاراعاندا، پەتەر فرانك ءوفيسى بەلگىلى ءبىر اۋىر قىلمىستاردى قاي جەردە جاسالعانىنا قاراماستان تەكسەرۋگە مۇمكىندىك بەرەتىن امبەباپ زاڭ اياسىنىڭ پرينتسيپتەرىن قازىردىڭ وزىندە پايدالانىپ وتىر. بۇل پرينتسيپ بۇعان دەيىن سيرياداعى ازامات سوعىسى كەزىندە ايرىقشا قاتىگەزدىك كورسەتىلگەن جاعدايلارعا بايلانىستى قولدانىلعان.
وسى پرينتسيپ نەگىزىندە ميانمادان شىققان ءبىر توپ ادام گەرمانيا سوتىنا شاعىمدانىپ، ميانما اسكەري قىزمەتكەرلەرىنىڭ ادامزاتقا قارسى قىلمىستارى جونىندە تالاپ ارىز تۇسىرگەن.
پەتەر فرانك گەرمانيا باس پروكۋراتۋراسى ۋكرايناداعى رەسەي اسكەرىنىڭ قىلمىسى بويىنشا تەكسەرىستى بىلتىر ناۋرىز ايىندا باستاعانىن اتاپ وتكەن.
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اقش پەن رەسەي اراسىنداعى تەڭىزدەگى تەكەتىرەس: «كولەڭكەلى فلوتقا» جاتاتىن Marinera تانكەرىنىڭ ۇستالۋى نەنى اڭعارتادى؟
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
يرانداعى نارازىلىق: حالىق پەن قاۋىپسىزدىك كۇشتەرى قاقتىعىسقا بەت الدى، ادام ءولىمى ارتتى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاڭتار قىرىعىنىنا 4 جىل. الماتى تۇرعىندارى قاڭتار قۇرباندارىن ەسكە الدى