12 qazanda Almatı äkimşilik sotı Äkimşilik kodekstiñ 456-2 babınıñ 1-tarmağı ("Jalğan aqparat ornalastıru, taratu") boyınşa Azat Europa/Azattıq radiosınıñ Qazaq qızmeti üstinen tüsirilgen arızğa qatıstı şağımdı qaray bastadı. İste jauapker retinde Azattıqtıñ Almatı byurosınıñ jetekşisi Qasım Amanjol dep körsetilgen. Şağım beruşi – Şımkent twrğını Älişer Turabaev.

Şağımdanuşı Atbasar koloniyasında azaptalğan Timur Dänebaevtı Kökşetau qalasındağı izolyatorğa auıstırğanı turalı orıs tilindegi jañalıqta Wjımdıq qauipsizdik şartı wyımına (WQŞW) qatıstı "Resey jetekşilik etetin" degen tirkesti paydalanu dwrıs emes dep sanaydı. Dänebaev 2022 jılı Qañtar kezinde Qazaqstanğa WQŞW äskeriniñ kirgiziluin sınap, keyin 3,5 jıl türmege kesilgen. Ol özine tağılğan ayıptı joqqa şığarıp, apellyaciyalıq şağım tüsirgenimen ükim küşinde qalğan.

Äkimşilik isti sud'ya Rauza Älieva qarap jatır.

Azattıqtıñ advokatı Janğazı Künserkin 12 qazan küngi sotta äkimşilik qwqıq bwzuşılıq bolmağandıqtan sot öndirisin toqtatu turalı ötiniş berdi. Ol sonımen birge lingvistikalıq saraptama tağayındaudı da ötindi.

Sot ötinişterdi aşıq qaldırıp, sot otırısın 20 qazan sağat 11-ge belgiledi.

1992 jılı Mäskeu bastamasımen qwrılğan WQŞW-ğa Qazaqstan jäne Reseymen qatar Belarus', Qırğızstan, Täjikstan, Armeniya müşe. WQŞW-nıñ birlesken ştabınıñ jetekşisi – Resey Federaciyasınıñ äskeri mamanı, general-polkovnik Anatoliy Sidorov. WQŞW-nıñ qazirgi bas hatşısı – Qazaqstannıñ Reseydegi bwrınğı elşisi Imanğali Tasmağambetov. Wyımnıñ ştab-päteri Mäskeude ornalasqan.

2022 jılı qañtardıñ basında Qazaqstan qalalarındağı narazılıq akciyaları keybir qalalarda tärtipsizdikke wlasıp, 200-den astam adam qaza bolğan. Sol kezde Aqordanıñ ötinişimen WQŞW Qazaqstanğa äskerin kirgizgen. Sarapşılar wyım qwrılğalı beri WQŞW küşi alğaş ret paydalanılıp otırğanın aytqan.

Biıl Äkimşilik kodekske engizilgen 456-2 baptı ("Jalğan aqparat ornalastıru, taratu") qwqıq qorğauşılar "jwmsaq" cenzura qwralı dep atağan. Qazaqstannıñ media keñistiginde Azattıq – osı bappen jauapqa tartılıp otırğan alğaşqı aqparat qwralı.

Azat Europa/Azattıq radiosı – Ortalıq Aziya, Şığıs Europa men Tayau Şığısta 27 elden habar taratatın täuelsiz halıqaralıq wyım. AQŞ kongresi qarjılandıratın Azattıq ükimetter men sayasi toptardan täuelsiz, onıñ redakciyalıq sayasatına eşkim aralasa almaydı. Azat Europa/Azattıq radiosınıñ missiyası söz bostandığı şektelgen elderden cenzurağa wşıramağan aqparat taratu arqılı demokratiya qwndılıqtarı men instituttarın alğa jıljıtu. Azattıqtıñ Qazaq qızmeti 1953 jılı qwrılğan, 2008 jılı qazaq jäne orıs tilderinde aqparat taratın veb-saytı aşıldı.