Navaho ruları virustan auır zardap şegude. Foto: BBC

Mamırdıñ soñında AQŞ-ta virustan qaza bolğandar sanı 100 mıñ adamnan asqan edi. Keybir statistikalıq mälimetter amerikalıq jergilikti halıqtıñ arasında virustıñ jayıluı eñ joğarı ekenin körsetti. AQŞ-tıñ Ariziona, YUta jäne Jaña-Meksiko ştattarınıñ arasında 71 mıñ şarşı şaqırım aumaqtağı Navahon-Neyşendede virustıñ taraluı halıq sanına şaqqanda N'yu-Yorktan asıp ketken.

Atalğan aymaqtağı Navaho halqın virus pen onıñ taraluı turalı mälimetter qorqıtpadı, tek odan saqtanu şaraları alañdattı. Sebebi, amerikalıq bayırğı halıqtardıñ mekendegen bwl aymağında su tapşılığı bastı problema. Olar üşin qoldı sät sayın juıp twrmaq tügil, işerge su tappay otır. Bwl aymaqta jasaytın navaho halqınıñ sanı 174 mıñ şamasında. Olardıñ 2,3 payızı virusqa şaldıqqan. AQŞ-ta virustıñ taralu oşağı retinde dabırlatqan N'yu-Yorktıñ özinde halıq sanınıñ 1,8 payızı ğana virusqa şaldıqqan edi.

Navahonıñ 4 mıñnan astam adamı virusqa şaldığıp, 170 adam köz jwmğan. Aymaq twrğındarı kirisin kazino, meyramhanalarğa jwmıs isteu jäne ken qazu sekildi qara jwmıstardan kirgizedi. Alayda, navaholar da Amerikadağı özge jergilikti twrğındar sekildi kedeyşilikte jasap keledi.

Keybir mamandar navaholarğa indettiñ keñ tarauın olardıñ hristian men jergilikti dinderine qatıstı merekelermen tüsindirgen. Alayda, «Şekarasız därigerler wyımı» navaholardıñ äleumettik jağdayınıñ tömendigi bastı sebep boldı dep körsetti.

“The Qazaq Times”