Foto: techcult.ru Sımsız quattau qwrılğıları

Disney Research zerthanasında Met'yu Habalko, Mohsena Şahmohammadi jäne Alansona Sempla attı  ğalımdar tobı sımsız quat közin tasımaldaytın  jüyeni jasap şığardı. Kvazistatistikalıq rezonans quısı (QSCR)  dep atalatın bwl ädis elektr qwrılğıların bölmeniñ işinde, eşqanday quat közine qospay-aq quattauğa mümkindik beredi.  

Täjiribe barısında arnayı 5 h 5 şarşı metr bölme salınıp, onıñ işine elektr qwrılğıları, gadjetter men jarıq şamdarın quattandıratın magnit tolqındarı jürgizilgen. Bölmeniñ işindegi magnit tolqındarı arqılı  barlıq qwrılğılar quat közine qosılıp twradı.

Sımsız elektr quatın tasımaldau ğalımdardı  birneşe jıldan beri oylandırıp kel jatqan taqırıptardıñ biri. Bwl ädis boyınşa alğaşqı täjiribe XIX ğasırdıñ 90-jıldarı Nikola Teslanıñ  jarıq şamdarın sımsız  jalğau maqsatında jasalğan bolatın.

QSCR ädisiniñ qwpiyası - qabırğalar men töbedegi metall jabındılarındağı toqtan biregey magnit örisin  tudıru. Nätijesinde osı magnit örisiniñ  rezonas tolqınında jwmıs jasap twrğan qabıldağış  katuşkalarğa  energiya tasımaldanatın boladı.  Jüyedegi toqtıñ indukciyası bölingen kondensatorlardıñ kömegimen qauipti elektr örisinnen oqşaulap otıradı.

Ğalımdardıñ aytuınşa, bölmeniñ işine magnit örisin tudıru üşin arnayı metall qabırğalaradıñ qajeti bolmaydı.Tek toq ötkizgiş boyaular men bölmege ornalastırılatın jabdıqtıñ boluı  jetkilikti.

«The Qazaq Times»