Foto: sputnik-abkhazia.ru

EO-tıñ sırtqı sayasat qızmetiniñ baspasöz hatşısı «Gruziyalıq aymaqtardıñ täuelsizdigin moyındau — halıqaralıq qwqıq erejelerin bwzu bolıp tabıladı, - dep mälimdedi. Bwl turalı lemonde.fr habarlaydı.

EO Gruziyanıñ aymaqtıq twtastığı men egemendigin tolıqtay qoldaydı, degen baspasöz hatşısınıñ mälimdemesinde: «Biz EO-tıñ Oñtüstik Kavkaz men Gruziyadağı dağdarıs jönindegi arnayı ökildigi men EO-tıñ baqılau missiyasınıñ jwmıstarı arqılı dau-damaydı birjaqtı etudi jalğastıra beremiz», - delingen.

Esteriñizge sala ketsek, 29 mamır küni Süriya basşılığı öz egemendigin jariyalağan Abhaziya men Oñtüstik Osetiya «respublikalarınıñ» (eki eldiñ täuelsizdigi älemdik qauımdastıq tarapınan äli tanılmadı) täuelsizdigin moyındağanı turalı mälimdegen edi. Osı jağdaydan keyin, Gruziya Süriyamen diplomatiyalıq qarım-qatınasın toqtatu turalı iske kirisken bolatın. Negizinen, Abhaziya men Oñtüstik Osetiya elderi özderiniñ täuelsizdikterin 1990 jıldardıñ basında jariyalağan edi. Tek, 2008 jılı Resey ğana osı «respublikalardıñ» täuelsizdikterin moyındağanın habarladı. Resey Federeraciyasınan keyin, Nikaragua, Venesela, Nauru, Vanuatu jäne Tuvalu elderi de gruziyalıq aymaqtardıñ täuelsizdikterin moyındaytındıqtarın jariyalağan edi.

Jalpı, Tbilisi Abhaziya men Oñtüstik Osetiya territoriyaların Gruziyanıñ qaramağındağı, erteden basıp alınğan aymaqtar dep esepteydi. Al, negizinen, älemdik qauımdastıq Gruziyanıñ osı atalğan eki eldegi üstemdigin moyındap keledi. Ayta ketetin tağı bir jayt, egemendikterin jariyalağan eki el territoriyasında Reseydik äskeri bazaları bar.

“The Qazaq Times”