Katar SİM basşısı. Foto: Türik Tele-Radio

Katar ükimeti özderine diplomatiyalıq dağdarıs ornatqan arab elderiniñ Katarğa qaratqan embargonı toqtatpasa, biz de kelissözdi jüzege asırmaymız dep otır. Bwl turalı «Anatolı» aqparattaq agenttiginiñ saytında jazıldı.

Katardıñ Sırtqı ister ministri Şeih Mwhammed ibn Abdurahman Jasim äl-Sani eldiñ ortalıq qalası Dohada jurnalisterdi qabıldağanda: «Katarğa bağıttalğan qısımdar toqtamayınşa, kelissözge kelu mümkin emes. Orın alğan qayşılıqtardı şeşu üşin kelissöz kerek, al kelissöz üşin Katarğa bağıttalğan dağdarıs toqtatıluı, arab elderi özderiniñ şaraların toqtatuı tiis», – dedi.

Osığan deyin öñirdegi müddeli taraptar Şığanaq elderi keñesinde kelissöz jürgizu arqılı Katar dağdarısın jaqsartudı alğa tartıp kelgen. Degenmen Katar ministriniñ mälimdemesine qarağanda kelissöz oñay jüzege asa salmaytını anıq bolıp otır. Katar kelissözdiñ alğışartı retinde "bizge jasalğan türli şekteuler alınıp tastalsın" degen talap qoyuda.

Oğan qosa ministr Jasim äl-Sani: «äl-Jazira» arnasına baylanıstı isterdiñ bäri de Katar eliniñ işki isi bolıp tabıladı. Sondıqtan, bwl taqırıptar kelissözde talqılanbaydı. Katarğa jasalğan qısımdı jeñildetu üşin, «äl-Jaziranıñ» bolaşağı saudağa salınbaydı», – dedi.

“The Qazaq Times”