1 qañtarda Şığıs Qazaqstan oblısındağı jalğız gaz kenişi – Sarıbwlaqtan Qıtayğa tabiği gaz eksporttau toqtatıldı. Bwl jöninde Azattıqqa jergilikti belsendiler habarladı, aqparattı keniş ornalasqan Zaysan audanınıñ biligi rastadı, -dep jazdı Ortalıq Aziya jañalıqtar qızmeti.

- Äkimdik osığan deyin jıl soñında memorandum uaqıtı bitedi, Qıtayğa gaz satu toqtatıladı dep aytqan bolatın. Sol boyınşa kompaniyağa talap qoyıp barğanımızda olar kelisim berdi. Qwbırdı bekitu jwmısı bes-altı sağattay uaqıttı aldı. 31 jeltoqsanda keşkilik barğannan tüngi sağat üş şamasında ğana üyge qayttıq, - dedi audan twrğını Ashat Smağwlov.

Bwğan deyin Zaysan audanı twrğındarı aymaqtağı birneşe auıl gazsız otırğanda jergilikti äkimdik kögildir otındı Qıtayğa jiberip jatır dep birneşe ret narazılıq bildirgen edi.

Audandıq twrğın üy-kommunaldıq şaruaşılığı, jolauşı köligi jäne avtomobil' joldarı böliminiñ basşısı Daniyar Serikov kenişti igeruşi "Tarbağatay mwnay" kompaniyası men energetika ministrligi arasındağı kelisimşart 31 jeltoqsanda ayaqtalğanın ayttı. YAğni, bwl kelisimniñ ayaqtalğanı Qıtayğa gaz tasımaldau toqtağanın bildiredi.

- Kompaniya 2022 jılı [Qıtayğa] 75 million tekşe metr gazdı eksporttauı tiis bolğan, alayda bwl şamağa jetip ülgergen joq. Sonda da belgilengen merzimi kelgendikten kelisimdi toqtattı, - dedi Serikov.

Al "Tarbağatay mwnay" kompaniyasınıñ injeneri Serik Jolımbetov "biıl Qıtayğa 67 million tekşe metr gaz aydaldı" deydi.

Äkimdik pen kompaniya ökilderi "jetpey qalğan kölemdi eksporttau üşin qwbır qayta aşıluı mümkin be?" degen swraqqa "naqtı ayta almaymız, bizdiñ qwziretimizde emes" dep jauap berdi.

Azattıq osı mäsele jöninde energetika ministrliginiñ baspasöz qızmetine saual joldap qoydı.

Jergilikti bilik bwdan bwrın da Qıtayğa gaz eksportı toqtatıldı dep mälimdegenAlayda "Tarbağatay mwnay" kompaniyası jazğı uaqıtta şığındı aqtay almaytının alğa tartıp, jıl ayağına deyin 75 million tekşe metr tabiği gazdı eksporttauğa rwqsat alğan.

Zaysan audanınan Qıtayğa gaz jiberu 2013 jılı eki eldiñ ükimetaralıq kelisimen say bastaldı. 2020 jılğa deyin keniştegi qordıñ nebarı eki payızı işki narıqta paydalanılğan. Bastapqıda Sarıbwlaq kenişinde öndiretin gaz kölemi 4 mlrd tekşe metr bolğan, 2022 jıldıñ basında audan äkimdigi sonıñ 3 mlrd 200 million tekşe metrden astamı Qıtayğa jiberilgenin mälimdedi.

Eki eldiñ ükimetaralıq kelisimine säykes, Sarıbwlaq kenişindegi gazdıñ 50 payızı Qazaqstannıñ işki narığına bağıttaluğa tiis edi. Alayda şart talabı saqtalğan joq. Mwnı Şığıs Qazaqstan oblısınıñ energetika jäne twrğın üy-kommunaldıq şaruaşılıq basqarması "işki infraqwrılım damımauı saldarınan boldı" dep tüsindiredi.

2022 jılı mamırda audan twrğındarı barlıq gaz Qıtayğa satılğanına narazılıq bildirdi. Twrğındar Zaysan audanında segiz auıl men birneşe äleumettik nısan gazğa qosılmağanın narazı.

ŞQO äkimi Danial Ahmetov kenişte qalğan gaz qorı Zaysan audanına 11-12 jılğa jetedi dep mälimdegen.