Foto: aşıq derekközden

Eldiñ erteñgi bolaşağı sanalatın jastardıñ hal-ahualı tulı bügingi qoğam köp dünieni eskermeytini jekelegen twlğalardı aşındıradı. Osığan ayğaq bolatın anıq mısaldı bügin jaña qala Qonaevtan Taldıqorğanğa bara jatıp kuä boldıq. Ärine köpke topıraq şaşudan aulaqpız. Degenmen jastardıñ köbiniñ Agressivtik minez-qwlıqtarın körip qoğam osığan barınşa den qoyuı kerek degen oyğa keldik.

Qonaevtağı jwmısımız ayaqtalğan soñ Taldıqorğanğa qaytu üşin avto bekettiñ mañında twrğan taksige qızmettesimiz ekeumiz mindik. Kölik ornınan qozğala bere şaması 16-17 jastar şamasındağı jasöspirim bala arqasında ülken ruzagi bar taksi tostı. Jürgiuşi toqtap köliktiñ terezesin tüsirdi.

- Taldıqorğan, -dedi bala.

- Iä, otıra ğoy, sumkañdı jük salğışqa sala ğoy - dedi jürgizuşi.

-Joq! qolıma wstap otıram. - balanıñ dausı qattıraq şıqtı. jürgizuşi közin bağjañ etkizdi de basın şayqap barıp jol aqısımen kelisip otırğızıp aldı.

Endı Almatı-Öskemen trassasına şığa bere qart äyel kisi jol tostı. Taksi oğanda toqtadı. Taldıqorğanğa baratın ayttı. Aldıñğı orındıqta otırğan qızmttesim kölikten tüsip: -apay aldına otırıp alıñız, arttan qinalıp qalarsız, - dep edi, älgi kisi -Joq rahmet, köliktiñ aldına otırsam jüregim köterilip ketedi, artına otırayın degeni sol edi meniñ janımda otırğan bala jantalasıp kölikten şıqtı da aldıñğı orındıqqa barıp otırıp aldı. Jas bala ğoy dep işimizden renjisekte eşkimizmiz ündemedik. Ortağa qızmettesim otırdı. Esik jaqqa apay otır. Ana mınanı aytıp şüyirkelesip otırğamız. Kölik Arqarlı asuına tayağanda aldağı otırğan bala orındıqtı barınşa şalqaytıp aldı. Artta otırğan apaydıñ tizesin basıp qaldı.

-Balam orındığıñdı kişkene kötere ğoy. Ayağım qısılıp qaldı... -apay jaymen til qattı. Bala qolağına kigen qwlaqqaptıñ äserine bolsa kerek estimedi. Sosın jürgiziuşi balanıñ jeñinen tartıp: -arttağı adam qısılıp qaldı, orındığıñdı köter, -dep edi anau basın kötermesten -ketşi-ey! tegin alıp bara jatanday, aqşaqdı töleymin solay kelistik! bwl orındı Taldıqorğanğa deyin men arendavat ettim. Jetkenşe qalay otıram özim bilem... dep arı qaray boqauız söz ayta bastadı.

-Esiñ dwrıs pa?!- jürgizuşi tütep ketti. Kölikti bayaulatıp barıp jol şetine toqtadı da - adamşa aytqan soñ söz tıñda bala, sen meniñ nemeremdeysiñ! artıñda äjeñdey adam otır. Onıñ ayağın basa janşıp orındıqtı şalqalatuğa seniñ aqıñ joq. Äueli bwl orındı mına täteñ ana apayğa bergen. Oğan kelip otırıp aldıñ. Wyalmaysıñ ba? Qalamasañ tüsip qal da basqa kölikke otır... dep edi anau bala bireu küş qoldanğanday bajılday jöneldi.

Meniñ qaqım, qwqım, sen kämelet jasına tolmağan balağa qısım körsetip otırsıñ "Qazaqstan Respublikasınıñ balanıñ qwqıqtarı turalı zañnıñ 4 babınıñ 1 tarmağına say men teñ qwqılımın. Bwl orında qalay otırğım keledi solay otıramın" basımdı qatırma dedi.

Küyip ketken jürgizuşı -mınau bir tämpiş qoy-ey! dep edi anau bala tipten örşelenip ketti. Ne kerek Taldıqorğan qalasına jetkenşe qwlağımızdı sarsıtıp lekciya oqıp bardı. Şalqalatqan orındığın sol qalpı kötirmedi.

Bwl bizdiñ közimizben körgen bir ğana jağday. Ötkende ğana äleumettik jeliden Almatı qalasındağı köşe avtobuındağı jas balanıñ ülken keyuanağa qalay dauıs kötergenin körip qoğam bolıp türşikken edi. Demek bwl kezdeysoq emes. Bügingi jastardıñ köbiniñ boyında bar jaman ädet. Qoğam bolıp bwnı emdeu kerek. Tärbie jürgizip balanıñ qwqıqtarınmen birge adamgerşilik tärbiesinde beruge mindetti ekenimizdi är ata-ana este mıqtı saqtau kerek.

Eldiñ erteñgi bolaşağı jastardıñ tärbiesin jastayınan qadağalau qoğamnıñ bastı mindeti ekenin esten şığarmayıq.

Taldıqorğan qalası,

Ämina Adayhan