Eñbek jäne halıqtı äleumettik qorğau ministrligi şetelden keletin qandastarğa arnalğan "qazaq kartasın" engizudi josparlaydı. Bwl turalı ministrliktiñ baspasöz qızmeti habarladı, dep jazdı Ortalıq Aziya jañalıqtar qızmeti.

Vedomstvo "qazaq kartası" Qazaqstanda biznes josparın jüzege asırğısı keletin "joğarı deñgeydegi maman" qandastar men biznespen aynalısatın şeteldik qazaqtarğa bermek.

"Qazaq kartasın" alğan qandastar Qazaqstanda biznes aşıp, üy men mülik alıp, qarjılıq operaciyalar jürgize aladı, biraq sayasi qwqıq berilmeydi. Ministrlik "qazaq kartasına" ötiniş qabıldağan kezde qandastıñ keletin jerin ayqındap, barğan jerinde belgili bir merzim twrsa, azamattıq beru de qarastırıladı deydi. Vedomstvo "qazaq kartasın" alatın qandastardı eñbek küşi tapşı öñirlerge baruğa ıntalandırmaq.

Ministrlik bwl bastama qandastardı otanımen baylanıstıruğa jol aşadı deydi.

Sonday-aq ministrlik soltüstik pen ortalıqqa işki köşi-qondı ıntalandıru üşin "wtqırlıq sertifikatın" da engizbek. Bwl sertifikatpen soltüstik ya ortalıqqa qonıs audarğan qazaqstandıqtarğa üy qwnınıñ 50 payızına qarjılıq kömek aladı. Vedomstvo azamattar bwl somanı üy saluğa ne satıp aluğa, sonday-aq "Otbası bankine" bastapqı jarnanı töleuge jwmsay aladı deydi. Bwğan qosa, ortalıq jäne soltüstik öñirlerde öndiriske jäne tehnika aluğa jeñildetilgen kreditter beriletinin aytadı.

Qazaqstan prezidenti Qasım-Jomart Toqaev 1 qırküyektegi joldauında qonıs audaru jäne migraciya sayasatına reforma jasau jaylı aytqan edi. Ol qonıs audaru "käsibilikke" män beru kerek degen.

Bwğan deyin Qazaqstan biligi oñtüstiktegi twrğındardı Reseymen şekaralas soltüstik jäne şığıs oblıstarğa köşiretin bağdarlama aşqan. Bwl bağdarlama ayasında oñtüstikten soltüstikke köşem degen twrğındarğa üy, käsip aşu, jwmıs jağınan kömek körsetilgen edi. Biraq oñtüstikten soltüstikke köşip barğandar arasında bağdarlama şarttarı orındalmadı dep keri qaytqandar da bolğan.

7 qırküyekte eñbek jäne halıqtı äleumettik qorğau ministrligi investorlarğa, ğalımdarğa, täjiribeli mamandarğa wzaq uaqıtqa viza beru koncepciyasın wsınğan. Bwl vizanı beru bes jıldıñ işinde jüzege asadı. Qazaqstanda wzaq uaqıt twratın viza el ekonomikasına 300 mıñ dollar salğan şeteldikterge de berilmek.