Foto: aikyn.kz

Qostanay oblısınıñ Äulieköl audanındağı orman şaruaşılıqtarınıñ birinde 2-qırküyek küni alapat ört boldı. Qostanay oblısındağı örtti auızdıqtau üşin Oqiğa ornında jedel ştab qwrılıp, onıñ qwramına QR Tötenşe jağdaylar ministri YUriy Il'in men özge de birqatar memlekettik organdardıñ basşıları kirdi. Örtti söndiruge Qostanay, Aqmola, Qarağandı jäne Soltüstik Qazaqstan oblıstarınıñ jeke qwramı jwmıldırıldı. Amanqarağay auılındağı twrğın üylerden 1000 adam evakuaciyalandı. Evakuaciyalanğan adamdar Äulieköl orta mektebi men mektep-internatına ornalastırılğanı turalı memlekettik BAQ jarısa jazıp jatır.
Orman şaruaşılığına qarastı 106 mıñ gektar orman qorınıñ 43 mıñ gektarın ört şarpıdı. Bireşe eldi mekende 108 ğimarattı ört şalıp, 98 ğimarat tolıq janıp ketken. Tötenşe jağday ministrliginiñ habarlauınşa, örtti söndiruge 111 tehnika, 5 äue kemesi, 5 ört poyızı, jeke qwramnıñ 793 7adamı jwmıldırılğan.Örtten zardap şekkenderge kömek körsetu üşin jedel jeli qwrılıp, psiholog mamandardıñ jwmısı wyımdastırıldı. Qostanay oblısında sonday-aq Memleket basşısı Qasım-Jomart Toqaev qatısadı dep josparlanğan Ahmet Baytwrsınwlınıñ 150 jıldığımen baylanıstı is-şaralar da keyinge qaldırıldı.
Memleket basşısı mwnda endi basqa maqsatpen, yağni örtpen küres bağıtında atqarılıp jatqan jwmıstarmen tanısu üşin keldi. Osı öñirdegi halıqpen, eriktilermen kezdesken el prezidenti Q.Toqaev “zardap şekken azamattardıñ bäri eki-üş aydıñ işinde baspanalı boladı dep uädemdi berdim. Oğan kümänim joq. Ol – bir. Ekinşiden, Ahmet Baytwrsınwlınıñ mereytoyına qatıstı. Eñ aldımen, osı mäseleni şeşeyik. Sodan keyin amandıq bolsa, osı bir qasietti jerge kelip, Ahmet Baytwrsınwlı babamızdıñ ruhına tağzım etip, toydı ötkizemiz»,— dedi ol. Birneşe künnen beri eldi eleñdetip, äleumettik jelide türli pikirler tuğızğan alapat ört auızdıqtaldı. Alayda, keltirgen şığın men zardap şaş etekten. Balausa taldar köktep, orman bolğanşa biraz jıl keteri anıq. Örttiñ şığu sebebin de bılayğı jwrt san aluan topşılaydı. Äleumettik jelilerdegi videolar men pikirler saraptalar. Bireuler prezidenttik saylaudıñ bolatınımen baylanıstırsa, bireuler Reseymen, bireuler ağaşşılarmen baylanıstıradı. Basım köpşiligi adam qolımen jasalğan dep qaraydı. Ärine mwnıñ bäri joramal. Osılay bola twrsa da, bükil el birlik tanıtıp, är oblıstan eriktiler men gumanitarlıq kömekter ağılıp kelip jatır. Prezidenttiñ bwl äreketi saylau aldı jarnama emes, jalaulağan qwrğaq uäde emes, şınayı janaşırlıq bolsa eken. Tilsiz jaudı öz wpayına paydalanğısı keletinder üysiz, küysiz qalğan halıqtıñ jağdayımen sanasar kün jetti. Qara suıqqa wrındırmay qara halıqtı baspanalı eter degen oydamız.
Tötenşe jağdaylar ministri YUriy Il'in örttiñ sebebin İşki ister ministrliginiñ tekserip jatqanın ayttı. jurnalisterdiñ ört qasaqana jasaluı mümkin be degen swrağına minstr adam faktorın joqqa şığarmaytının, är türli versiyalardı qarastıratının, tekseru Qılmıstıq kodekstiñ birden üş babı boyınşa jürgiziletinin aytqan. sonday-aq, örttiñ şığu sebebin tekseruge Bas prokuraturanıñ kiriskeni osığan deyin de belgili bolğan bolatın.

N.Baytwrsın