Bwl bir ötken dünie edi. Sonda da osı kezderi ärdayım esime alıp jüremin. Sol sebepti de osını jazudı jön sanadım.

Küz ayınıñ ortası auru-sırqau köbeyip kele jatırğan kezeñ. Bir küni bir künine wqsap, ötip jatqan auıl mañı. Aytarlıqtay eşqanday qızıqtı sätter joq. Ädetinşe tağı bir tañ attı. Kündegi sol bir tirlik qaytadan öz orındarımen bola bastadı. Tüs auğan şaqta anam «qalağa ketemiz jinal»-dedi. İlip alar kiimderimdi jinap mende şıqtım. Jol wzaq bolmasa da, adam mısın basarlıqtay edi. Kölikke otıra salısımen auıldıñ küybeñ tirliginen bosağan qol-ayağımız qalıqtap wşıp jürgen mamıqtay boldı. Anam ädetinşi pırılğa bastı. Al,men bolsam döñgelek älemge, törtbwrıştı äynekten qarap tamsanıp kele jatır edim. Keñet döñgelenip kele jatırğan jerde aynalıp kelgen aspan da kilt toqtay qaldı. Sol kezde anaşım da wyqısınan oyandı da «Besikte terbetilgen säbidey bolıp jatır edim. Ne bolıp qaldı? , Nege kidirdiñ?»,-degen swraqtarın jaudırdı kelip. Jürgizuşi bolsa «apa, qazir qarayın özim de bilmedim ne bolğanıñ»,-dedi de sırtqa şığıp ketti. Artınşa bizde maşinadan tüstik. Söytsek kişkentay marğau köliktiñ oñ jaq döñgelegine keptelip qalıptı. Barlığımız añ-tañbız. «Qaydan şığa qalğan, men bayqamadım ğoy ötip bara jatırğanıñ»,-dep aqtalu da jürgizuşi. «Äli dem alıp jatır, qala bolsa alıs, jaqın jerde üyde körinbeydi ölip qalatın boldı-au»,- dep men twrmın şırıldap. Sodan marğaudı maşinadağı tösemge orap bizdiñ qasımızğa alıp aldıq. Körer küni bar eken ğoy qalağa jetkenşe  tiri boldı. Şaharğa kirgen boyda januarlardı qorğau ortalığına tarttıq. Jwmıs küni,uaqıttı bolğanımen. Tiri jan tappadıq.

Swrastıra kele barlıq qızımetkerler karantin de jatqanın januarlardan virus şıqqanın bildik. Bizdi de qamaptastamay twrıp bwl jerden ketuimiz kerek dep wyğardıq. Biraq marğaudı tastauğa qimadıq. Anama  aytıp özimizben birge alıp jürdik. Qalada öz üyimiz bar edi, biz joq kezde qañırap bos qalatın. Barğan boyda üydi jinap, juıp tazalap, marğauğa arnap bir orın dayındadım. Anam bolsa tamaqtıñ qamına kirisken bolatın. Ertesine marğau auıruına şıday almay mäñgilik mekenge ketip qaldı. Onı üy artındağı terektiñ astına  qoydıq. Sol küni täbetimde bolmadı. Eki kün ötken soñ özim de qattı auırdım. Därigerler meni «virus jwqtırğan»,- dep özderimen alıp ketti. Al, anamdı karantinge üy qamaqqa japtı. Men mine sodan birneşe kün jan-jağım qorşalğan qabırğadan äri şıqpağanım esimnen äli keter emes. Meni qarauğa kelgen därigerler appaq bolıp oranıp kelip, mağan alıstan twrıp söyleydi. Därilermen ğana meni tiri wstap twrğanday töbemnen barlığın üyip qoyıptı. Twmsığımda da bir närse twr eken. Osıdan bastap wzın äri qarañğı, twmandı wzaq joldıñ üstin de jürgendey sezim de közim jwmılatın.

Odan biri biraz uaqıt ötti. Qazir bäri tiniştalğanday. Ayday älemdi ayaday etken virustıñ da däureni ötkenge wqsaydı. Ara-twra BAQ betterinen közimiz şalıp qalmasa tipten wmıtılıp ta ketkendey.

Älde sol kezde köp aytılatın wjımdıq immunitet qalıptasıp ülgergen şığar. Qanşalıqtı bodau bersek te aman qaldıq. Biz jeñdik dep ayta alamız. Ömirdiñ köşi alğa qaray jıljıp bara jatır. Ömir auırumen küresu ğana emes. Basqada tirliktik tım kürdeli baspaldaqtarı bar. Al, däl qazirgi kezde  bizdiñ jwrtqa wjımdıq immunitet virustan bwrın sayasatqa kerek sekildi. Alda kele jatqan kürdeli sayasi nauqandı belsene talqılap, taldau üşin kerek sekildi.

QalamqasBisenğaliqızı

Oral qalası