بۇگىن، 21 قاڭتار كەشتە، ديماش قۇدايبەرگەنوۆتىڭ "Ge shou" ء(انشى) تەلەجوباسىنداعى ءتۇسىرىلىمى قىتايلىق تەلەارنالاردا تاراتىلىسىمەن، كۇللى قىتاي جۇرتشىلىعىن ءدۇر سىلكىندىردى. 

"The Qazaq Times" سايتىندا تانىستىرىلىپ وتكەن, قىتايداعى ء"انشى" جوباسىنا قاتىسىپ جاتقان جەرلەسىمىز، العاشقى تەلەتۇسىرىلىمى تاراتىلىسىمەن، كۇللى قىتاي جۇرتشىلىعىنىڭ كۇشتى اڭىسىن قوزعاپ، ءبىر كەشتە ميللياردقا تانىمال جۇلدىزعا اينالدى. قىتايدىڭ اقپارات قۇرالدارى مەن الەۋمەتتىك جەلىلەرىنىڭ ەڭ باستى تاقىرىبى ديماش قۇدايبەرگەنوۆتىڭ عاجاپ داۋىسى بولدى.

قىتاي الەۋمەتتىك جەلىلەرىندەگى ديماشقا تاڭقالا القاعان پىكىرلەردى تاۋىسىپ ايتۋ مۇمكىن ەمەس، مىسال رەتىندە لي جيانشى اتتى قىتايلىقتىڭ الەۋمەتتىك جەلى پاراقشاسىنداعى مىنا ءبىر پىكىرىن بەرە كەتەيىك:

"قىتاي بيىل، ء"انشى" تەلەجوباسىن جاساپ، قازاقستاننان ديماش دەگەن ءانشىنى الدىردى دا، ءبىزدىڭ "مەن" دەگەن ونەرپازدارىمىزدىڭ "كاراوكە انشىلەرى" ەكەنىن بايقاتىپ الدىق. ولار ەندى كاراوكەدەن شىعا الماستاي بولدى، ولاردىڭ كوڭىلىنە وشپەس داق ءتۇستى".

بۇدان باسقا "ديماشتىڭ قاسىندا بىزدىكىلەر تويدىڭ ءانشىسى ەكەن عوي" دەگەن پىكىرلەردى دە كورزىمىز شالدى. ءتىل، كوزدەن ساقتاسىن! ءار قادامىڭ ءساتتى بولعاي! جارايسىڭ ديماش!

"The Qazaq Times"