Foto: Kazinform

Qazaqstan mektepterinde direktordıñ aqparattandıru jönindegi orınbasarı qızmeti engizilui mümkin. Bwl turalı ükimet sağatında QR Bilim jäne ğılım ministri Erlan Sağadiev mälimdedi. 

Onıñ sözinşe, aqparattandıru salasında mindetterdi bölip beru mwğalimderge tüsetin auırtpalıqtı azaytadı.

"Biz direktordıñ aqparattandıru jönindegi orınbasarı qızmetin engizudi josparlap otırmız. Sonda mwğalimderge tüsetin auırtpalıq aytarlıqtay azayu kerek. Osınday jwmıs jürgizilip jatır. 2018 jıldıñ ayağında nätijesin köremiz dep oylaymın", - dedi ministr.

Al Parlament mäjilisi törağasınıñ orınbasarı Gülmira Isimbaevanıñ sözinşe, jaña qızmet türi mäseleni şeşpeytinin jäne mwğalimderge bäribir aurtpalıq tüsetinin alğa tarttı.

"Mektepterge basşıdan göri orındauşı qajet. Direktorlardıñ orınbasarları sizder üşin, oblıstıq, qalalıq basqarma üşin aqparat jinauda sol mwğalimderge bwyrıq berip, solardan talap etedi. Bar auırtpalıq mwğalimderge jükteledi", - dedi ol.

Alayda Sağadiev jıl sayın joğarı oqu orındarınan 10 mıñğa juıq student, al kolledjderden 8 mıñğa juıq student İT mamandığın alatının aytadı.

"Qazirgi kezde eldiñ 84 joğarı oqu ornında 33 mıñ, kolledjderde 24 mıñ adam bilim alıp jatır. Jıl sayın İT salasındağı joğarı bilim granttarın köbeytip jatırmız. 2018 jılı memleket basşısınıñ tapsırmasımen biz grant sanın 1340-qa köbeyttik, onıñ işinde İT mamandığınıñ granttarı bar", - dedi ministr.

Ayta keteyik, soñğı uaqıtta metepterdegi qağaz bastılıqtı joyu üşin türli tehnologiyalar engizilip te jatır. Alayda bwl mwğalimderdi balalarğa sapalı bilim beruge emes, basşılarğa esep beruge ğana itermeleude.

“The Qazaq Times”