Foto: TSN

Soñğı bir aptada Süriya aumağında 300-ge juıq reseylik sarbaz köz jwmğan – dep habarlaydı Reuters aqparat agenttigi.

Agenttik mälimetinşe, Süriyanıñ Deyr ez-Zor aumağında köz jwmğandardıñ barlığı resmi Kreml'men baylanısı bar delingen «Vagner» jeke äskeri kompaniyasınıñ jaldamalı sarbazdarı. Reuters-tıñ «Vagner» kompaniyasındağı aqparat köziniñ sözinşe, reseylik sarbazdardıñ basım köpşiligi AQŞ bastağan halıqaralıq äskeri koaliciyanıñ äue şabuılı kezinde oqqa wşqan.

Esteriñizge salayıq, aqpan ayınıñ 7-si küni AQŞ bastağan halıqaralıq koaliciya Başar Asad jaqtastarın bombalağan bolatın. Osıdan keyin BAQ betterinde «AQŞ-tıñ äue şabuılı kezinde Süriya aumağında soğısıp jürgen reseylik jaldamalı sarbazdar köz jwmdı» - degen aqparat tarağan. Biraq resmi Mäskeu bwl aqparattı joqqa şığarğan.  Keyinnen aqpan ayınıñ 13-i küni AQŞ Qarulı küşteri YouTube jelisine Süriya aumağındağı Resey jaldamalı äskerine jasalğan äue şabuılınıñ videosın jariyalağan.

“The Qazaq Times”