Auğanstandağı qarulı toptar. Foto: RT.com.

Reseydiñ Täjikstandağı elşiliginiñ taratqan mälimetine sensek, Auğanstandağı lañkestik toptar sol eldiñ soltüstigindegi aymaqtar arqılı Ortalıq Aziya elderine enuge äreket jasauı mümkin. Bwl turalı Tasnim (Tasnim New Agency) aqparattıq agenttigi habarladı.

Atalğan mälimdemeni Reseydiñ Täjikstandağı Bas elşisi Igor' Frolov sol eldegi Wjımdıq qauipsizdik şartı wyımına müşe elderdiñ ortaq äskeri jattığuı kezinde mälimdegen. Ol lañkestik toptardıñ Auğanstan jerin paydalana otırıp, Ortalıq Aziya elderine şabuıl jasauı mümkin ekenin eskertken.

Frolov sözinde: «Auğanstandağı qauipsizdik jağday barğan sayın qiındau tüsude. Bwl eldegi soğıs jaqın arada ayaqtala qoymaydı. Biz Auğanstan jerinen keletin ıqtimaldı qauipke köz jwma qaray almaymız. Däl qazir qauip tönbese de, erteñ qater alıp ketui mümkin. Auğanstannıñ soltüstik şekarasına jaqın mañda 4000-ğa juıq qarulı sodırlar bar», – dedi.

Auğanstannıñ Täjikstan, Özbekstan, Türkimenstan qatarlı Ortalıq Aziya elderimen şekarası 2384 şaqırım.  Al, Qıtaydıñ Şınjañımen şekarası 90 şaqırımdı qwraydı.

“The Qazaq Times”