ءماجىلىس سايلاۋى: سوت ۇمىتكەر رەتىندە تىركەلە الماعان دۋمان مۇحاممەدكارىمنىڭ ءوتىنىشىن ورىندامادى

4 اقپاندا الماتى وبلىسىنىڭ مامانداندىرىلعان اۋدانارالىق اكىمشىلىك سوتى بەلسەندى، جۋرناليست دۋمان مۇحاممەدكارىمنىڭ ءماجىلىس دەپۋتاتتىعىنا ۇمىتكەر رەتىندە تىركەۋ تالابىن قاناعاتتاندىرمادى. سوت №12 ءبىرمانداتتى اۋماقتىق سايلاۋ وكرۋگىنىڭ شەشىمىن وزگەرىسسىز قالدىردى. بۇل ۋترالى ازاتتىق راديوسى جازدى.

سوت ۇكىم شىعارعانعا دەيىن تاراپتارعا بۇل ماسەلەنى بەيبىت جولمەن شەشۋدى ۇسىندى. اۋماقتىق سايلاۋ كوميسسياسىنىڭ وكىلى بۇعان كەلىسپەدى.

"اكىمشىلىك ماسەلە عانا بولسا، سوت ۇكىمىنە دەيىن بەيبىت تۇردە شەشۋگە قالاي قارايسىز؟" دەگەن سوتتىڭ سۇراعىنا سايلاۋ كوميسسياسىنىڭ وكىلى سوتتىڭ ۇكىمىنسىز ماسەلەنى شەشۋ مۇمكىن ەمەسىن ايتتى.

"ويتكەنى ءبىز مۇحاممەدكارىمدى كانديدات رەتىندە تىركەسەك، ءماجىلىس دەپۋتاتتىعىنا كانديداتقا قويىلاتىن ەل اۋماعىندا كەيىنگى 10 جىل تۇراقتى تۇرۋ تالابى جازىلعان كونستيتۋتسيانىڭ 51-بابى، 4-تارماعىنا قارسى شىققان بولامىز" دەدى №12 ءبىرمانداتتى اۋماقتىق سايلاۋ كوميسسياسىنىڭ ءتورايىمى ۇلتۋسىن بارحينوۆا.

ول مۇحاممەدكارىمنىڭ ەل اۋماعىندا تۇراقتى تىركەۋى جوق بولا تۇرا، ءبىر كۇن قىرعىزستان اۋماعىندا بولعانىن دا العا تارتتى.

"ول ءبىر كۇن – 2022 جىلعى 6 قاڭتار. سول كەزدە قازاقستان اۋماعىندا ينتەرنەت ءوشتى. قىرعىزستانعا جۋرناليستىك جۇمىسىمدى ورىنداۋ ءۇشىن باردىم. 6 قاڭتار كۇنى سول ەلدىڭ اۋماعىنا كىرىپ، ينتەرنەتكە ماتەريال جۇكتەپ، كەلەسى كۇنى – 7 قاڭتاردا ەلگە ورالدىم. 2016 جىلى 10 كۇنگە تۇركياعا وتباسىممەن دەمالۋعا بارىپ-كەلدىم" دەدى مۇحاممەدكارىم.

سوتتا مۇحاممەدكارىم كەيىنگى 10 جىلدا قازاقستاننان باسقا ەلدە تۇراقتى تۇرماعانىن شەكارا قىزمەتىنەن الىنعان انىقتامامەن دالەلدەپ باقتى. انىقتامادا مۇحاممەدكارىمنىڭ كەيىنگى 10 جىلدا 11 كۇن (10 كۇن تۇركيادا، 1 كۇن قىرعىزستاندا) شەتەلدە بولعانى كورسەتىلگەن.

جۋرناليست بۇعان دەيىن ازاتتىققا ەلدە سەگىز اي تىركەۋدە بولماۋ سەبەبىن بىلاي تۇسىندىرگەن ەدى:

– جۇمىس بابىمەن وزگە قالالاردا تۇرعان كەزدە سول جاقتا ۋاقىتشا تىركەلىپ ءجۇردىم. بۇعان دەيىن استانا قالاسىندا پاتەر جالداپ تۇرعانىمدا، پاتەر يەسى مەنى ۋاقىتشا ەمەس