قىتايداعى «ءانشىمىن» («Singer 2017») كونكۋرسى سوڭعى مارەسىنە جاقىنداپ كەلەدى. سوڭىنا جاقىنداعان سايىن جارىس ءتىپتى تارتىستى، ءتىپتى قاۋىپتى بولا تۇسۋدە. قاۋىپتى دەيتىنىمىز، اتالمىش ونەر دوداسىندا قازاقتىڭ جاس تالانتى ديماش قۇدايبەرگەن باق سىناپ جاتىر. تارتىس قىزعان سايىن، باسەكەلەستەر دە كۇشەيىپ، تالعام بيىكتەپ بارادى.

ديماش سەگىزىنشى كەزەڭدە قىتايلىق ونەرپاز حان حۋننىڭ «تاڭ اتتى» ءانىن ورىندادى. الايدا، ول بەسىنشى ورىننان كورىندى. ءانشىنىڭ تومەنگى ورىنعا سىرعۋى ونىڭ دەنساۋلىعىنا بايلانىستى بولعان. ەستەرىڭىزدە بولسا، ول ەلگە كەلىپ قايتقان بولاتىن. ال، جەتىنشى كەزەڭدە ول «دايديداۋ» ءانىن ايتىپ، قىتاي ساحاسىن قازاقتىڭ ءان اۋەنىمەن تەربەگەن.

"The Qazaq Times"