ەستەرىڭىزدە بولسا، جاس تالانت ديماش قۇدايبەرگەننىڭ ونەرىنە سۇيىنگەن ايگىلى ونەر جۇلدىزى لارا فابيان ديماشپەن كەزدەسۋگە نيەتتى ەكەنىن بىلدىرگەن. ال، «ءانشى» جوباسىنداعى التىنشى كەزەڭدە ديماش سول لارا فابياننىڭ  رەپەرتۋارىنان «Adagio» ءانىن ايتىپ، كورەرمەندى تاعى ءبىر ءسۇيىنتتى.

اتالمىش ءاندى پيانيونىڭ سۇيەمەلىمەن ناقىشىنا كەلتىرە ورىنداعان ديماش بايقاۋداعى كوپتەن بەرى جەتكىزبەي كەتكەن ءبىرىنشى ورىندى قايتا يەلەندى. بۇگىنگى كۇنى اتالعان بايقاۋ وتە تارتىستى وتۋدە. قازىرگە دەيىن باستاپتاعى جەتى قاتىسۋشىدان تەك تورتەۋى عانا قالدى. ال، ديماش جالپى ەسەپتە ءۇشىنشى ورىننان تۇسپەي كەلەدى. قازىر جەتىنشى كەزەڭ دە اياقتالدى. ءتۇسىرىلىم تامامدالعان سوڭ ديماش ەلگە قايتىپ كەلگەن بولاتىن. ونى ۇرىمجىدە قانداستارىمىز قارسى الىپ، «دۋداراي» انىمەن شىعارىپ سالدى. ال، استاناعا ورالعاندا اۋەجايدان سانى از بولسا دا، ءبىراز جانكۇيەرلەرى كۇتىپ الدى. ايتا كەتەيىك، جەتىنشى كەزەڭدە ديماش «دايديداۋ» ءانىن ورىندادى. ۇلتتىق كيىمدە، قازاق ءانىن اۋەلەتكەن ءانشىمىز قىتايداعى كورەرمەنگە تاعى ءبىر قىرىنان تانىلىپ، بايقاۋدىڭ جەتىنشى كەزەڭىندە ءۇشىنشى ورىنعا يە بولدى.

بۇگىنگە دەيىن ءوز ونەرىمەن الەمدەگى ءبىراز ونەر سۇيەر ورتانى ەلەڭدەتكەن ديماشتىڭ جانكۇيەرلەرى كۇن سايىن ارتۋدا. كوپتەگەن الەمدىك ونەر مايتالماندارى وعان جاقسى باعاسىن بەرىپ جاتىر.

“The Qazaq Times”