Bügin Almatı qalası, Alatau audanınıñ «Şañıraq-2» ıqşam audanında Qwrman Älmerekwlınıñ (1688-1736) jatqan jerine twrğızılğan keseneniñ saltanattı aşıluı boldı.

Saltanattı şaranıñ aşluında söz bastağan Alatau audanınıñ äkimi Azamat Qaldıbekov Täuelsizdiginiñ 30 jıldığına oray Almatı qalası Alatau adanı äkimdigi bwl tarihi orınğa köñil bölip, kesene aynalasın abattandırıp, halıqqa paydalı tarihi-ruhani orınğa aynaldıruğa küş salıp jatqanın jetkizse, qoğam jäne memleket qayratkerleri jäne  ğalımdar men aqın- jazuşılar bir auızdan osı  «Şañıraq-2» ıqşam audanınıñ atın Qwrman Älmerekwlınıñ atına berudi wsındı.

Qwrman Älmerekwlı Joñğar şapqınşılığı kezinde qazaq eliniñ azattığı  men täuelsizdigi üşin küreste batıldığı men batırlığı jäne kösemdigimen qol bastap, jwrtın bostandıq üşin ayqasqa jwmıldırğan jäne qan maydandarda san märte erligimen közge tüsken, keskilesken şayqasta qolğa tüsip,  jau qolınan qapıda qaza tapqan.

Tarihşı-arheologtardıñ anıqtauınşa bwl qorğan bwrın Üysin däuirine tän bolğandıqtan,  «Üysintöbe» atanğan. Keyin Qwrman jerlengennen keyin kelimdi-ketimdi wrpaqtar bwl töbeni «Qwrmantöbe» atap ketken.

The Qazaq Times