Temeki şegetinderdiñ sanı 1 milliardtan asıp tüsti

Büginde Jer betindegi temeki şegetin adamdardıñ sanı 1 milliardqa jetip otır. Lancet basılımında jariyalanğan zertteu nätijelerine säykes älemdegi ärbir törtinşi erkek pen jiırmasınşı äyel nikotinge täueldi bolıp keledi. 

Ğalımdardıñ esebine süyensek,  2015 jılı  Jer betinde temeki şegetinderdiñ sanı 933 million adamğa jetken. Büginde bwl körsetkiş orta eseppen milliardtan asıp otır. Soñğı uaqıtta temekini tastağandarğa qarağanda jasöspirimderdiñ nikotinge täueldiligi köbeyip keledi. Statistikalıq zertteulerge säykes, temekige täueldilik köbine damuşı jäne halıqtıñ äleumettik jağdayı tömen elderde qarqındı ösude. Eger bwl ürdis däl osılay jalğasa berse, aldağı jüzjıldıqta temeki 1 milliard adamnıñ ömirin jalmauı mümkin.

Temeki şegetinderdiñ basım böligi Aziya elderinen eken. Antireytingtiñ aldıñğı üştiginde 400 millionnan astan erkek temeki şegetin Qıtay, Ündistan jäne Indoneziya ornalassa, al äyelderdiñ köp ülesi AQŞ, Qıtay,Ündistanda 13-17 millionmen köş bastap twr.

Al temekige täueldilikten bolatın ölim sanı boyınşa antireytingtiñ alğaşqı bestigine - Qıtay, Ündistan, AQŞ, Resey, Indoneziya kirip otır. Bwl elderde  jılına 200-800 mıñ adam nikotinnen qaytıs boladı. Al Qıtayda bwl körsetkiş 1,8 millionğa jetken.

«The Qazaq Times»