Eki el prezidenti Germaniyada alğaş kezdesude. Foto: Uprooted Palestinians.

AQŞ pen Resey arasındağı «aqparattıq soğıs» tolastağandı qoyıp, barğan sayın örşi tüsude. AQŞ «Rossiya» telearnasın qara tizimge engizgennen keyin, Reseyde köp ötpey qarsı aqparattıq şabuıl jasadı. Amerika Qwrama Ştattarı men Resey Federaciyası arasındağı «aqparat soğısı» ideologiyalıq jäne ügit-nasihat küresin küşeyte tüsti. Bwl eki eldiñ qarım-qatınas şielenisin küşeytip, tipti kezektesken sankciyaların wzaq uaqıtqa sozbaq.

Qıtaydıñ "Şinhua" agenttiginiñ habarına qarağanda, Qırküyekte AQŞ Ädilet ministrligi AQŞ-tağı «Russia Today» aşqan filialdardıñ «şeteldik ökiletti agenttigi» retinde tirkeluin talap etti. Olay bolmağanda ministrlik sondağı amerikalıq qızmetkerlerge qarsı, bank şottarın bwğattau jäne qamauğa aludı qamtığan qatañ şaralar qabıldaytının mälim etti. Alayda, «Russia Today» kanaldarı bwl talapqa batıl qarsılığın bildirdi. Biraq olar kompaniyanıñ qızmet qimılın qamtamasız etu üşin tirkelu jwmısın jaqın arada bitiruine tura keledi.

«Şeteldik ökiletti agenttik» degenimiz - şeteldik ükimettiñ ökiletti wyımı. Mwnday wyımdar AQŞ-ta sayasi twrğıda belsendi is-qimıl jasau üşin ükimetke şeteldik resmi twlğalarmen qarım-qatınasınan, AQŞ-tağı barlıq is-qimılı men qarjılıq körsetkişterinen mälimet berip otıruına tura keledi. Bwl aldağı uaqıtta Qwrama Ştat jerinde atalğan kanaldıñ şekteuge wşıraytının añğartadı.

AQŞ-tıñ bwl qadamına Resey de qarımta soqqı bağıttadı. Resey memlekettik Duması 15 qaraşa küni, şeteldik BAQ ökilderin «Şeteldik agenttik» retinde tirkeu şeşimin şığardı. Zañ jobasın Federaldı Keñes qabıldaydı. RF prezidenti qol qoyğannan keyin resmi küşine enetin boladı. Bwl jobağa säykes Resey ükimeti «şeteldik agenttik» dep tanığan BAQ nemese wyım RF-nıñ 2012 jılğı qabıldağan aqparat közderin baqılau zañına bağınatın boladı, yağni, kez-kelgen aqparattı qoğamğa jariyalau kezinde öziniñ «şeteldik agenttik» deytin salauatın eskertip otıruına tura keledi. Bwdan sırt, «şeteldik agenttikter» mindetti türde Resey ükimetine tirkelgen boluı, qarjı közderi turalı esep berui, qarjını jwmsau közderi men maqsattarı turalı da esep beruine tura keledi. Oğan qosa reseylik qwqıq qorğau orındarı atalğan salauatqa ie orındardıñ zañğa säykestigin teksere aladı.

Bwl eki derjeva arasındağı qazirgi «media soğısınıñ» körinisi. Osıdan bir jılğa juıq uaqıt bwrın, Tramp Qwrama Ştattıñ prezidenti bolğalı twrğan kezde älemdik BAQ eki eldiñ ara-qatınasınıñ jaqsaruınan ümit bar ekenin aytıp edi. Alayda, Tramp taqqa otırıp Reseymen qarım-qatınastı jaqsartuğa tırısqan alğaşqı kezderden-aq, eki el arasındağı «tılsım küşter» attas zaryad sekildi ükimetterdi eki jaqqa iterdi.

Qıtaydıñ eñ ülken aqparattıq agenttiginiñ habarına säp salar bolsaq, tap osı mäselede de Reseyge bolısqanın bayqaymız. Aytalıq, bwl tıyım salular arqılı «Media soğısın» aşqan Uaşington dep körsetken. Onıñ özi de belgili därejedegi aqparattıq soğıs. Biraq biz Reseydiñ AQŞ-tağı arnalarınıñ qanday bağıtta jwmıs istep otırğanın däl qazir naqtı bağamdap, oqırmanğa aytıp bere almağandığımızdan, bwl ayıptaudı tarazığa tarta da almaymız.

Eki eldiñ taratqan aqparattarınan tartıp, kinolarına deyin ideologiyalıq soğıstıñ qan maydanın surettep keledi. Mäskeu Batıstı ayıptasa, Batıs Mäskeudi kinälaydı. Aqparattağı derbestik bizdiñ şın täuelsizdigimiz üşin eñ alğaşqı baspaldaq. Bwl twrğıdan alğanda, belgili deñgeyde Qazaqstan da Resey men AQŞ arasındağı aqparat soğısınıñ bwrqasınına ilinip otır. Sondıqtan aqparattıñ derbestigi twtas Qazaqstan, qala berdi qazaq qoğamınıñ derbestiginiñ birden bir kepili.

“The Qazaq Times”