Qağba. Foto; BrainBerries.co.

31 qazan küni Saud Arabiyasınıñ ükimeti mälimdeme jariyalap, älem elderine alğaş ret turistik viza beretinderin ayttı. Bwl mälimdemeni Saud Arabiyasınıñ Wlttıq turizm jäne mädeni mwra komissiyası tarattı. Olar köp wzamay atalğan vizalardıñ dayın bolatının jetkizdi. Bwl turalı «Şinlañ» aqparattıq saytı habarladı.

Saud Arabiyası bwl qadamdı saudanı damıtıp, şeteldik turisterdi tartu maqsatında jasap otır. Osığan deyin Saud Arabiyası şeteldik sayahatşılardı elge kirgizuge rwqsat etpegen bolatın. Bwğan deyin şeteldikter Mekke men Medinanıñ qasietti orındarına tek qajı retinde kiruge rwqsat etilgen. Saud Arabiyası azamattarına, käsipkerlerine nemese agenttikterine resmi türde şaqırıluı kerek bolğan.

Saud Arabiyasında turisterdi qızıqtıratın orındar öte köp. Mekke men Medine qalalarınan basqa da jüzge juıq Arab pen islam mädenietiniñ tarihın  ayğaqtaytın orındar, eskertkişter, meşitter men özge qwrlıstar köp. Arab tübegindegi qalıptasqan mädeniet pen örkeniet oşağın öz közimen körgisi kelgen sayahatşılardıñ bwğan deyin jolı bolmay kelgen edi. Dese de, mwsılman jwrtşılığı qasietti sanalatın äl-Haram meşiti men ondağı qağbanıñ qara tasın özgelerge aşıp beruine özgeşe pikirde qaraytını anıq.

“The Qazaq Times”