Qıtay memlekettik telearnaları eldegi tarap jatqan indettiñ auır küyde ekenin mälimdedi. Keşe Qıtay memlekettik arnaları jergilikti äkimşiliktiñ mälimetine silteme jasay otırıp, Hubey provinciyasında virusqa şaldıqqan 17 adamnıñ köz jwmğanın habarladı. Bwdan birneşe sağat bwrın ğana virustan 6 adam qaza tapqanın habarlağan edi.
Qıtay biligi qauipti virustıñ eñ alğaş taralğan jeri Uhan qalasında qoğamdıq transporttı uaqıtşa toqtata twru şeşimi qabıldadı. Avtobustar men metro jäne özge de qoğamdıq kölikter keşe sağat 10-nan bastap jwmısın toqtattı. Sonday-aq, Uhan qalasınıñ twrğındarı üşin poyız vagzaldarı men äuejaylar jabıldı.
Uhan qalası Qıtaydıñ Beyjiñ, Şañhay, Şınjın qalaları sındı tanımal bolmağanımen, ol älemniñ birqatar iri qalalarımen tikeley äue liniyalarına ie. Aytalıq, Uhannan London, Parij, Dubay tağı basqa da qalalarmen tikeley äue qatınası bar. Bwl quipti virustıñ älemge taralıp ketu qaupin küşeytedi.
Äleumettik jelide Qıtay biligi naqtı jağdaydı jasırıp otır degen jazbalar da köbeygen. Äleumettik jeli qoldanuşıları şınayı jağdaydıñ ükimet taratqan resmi mälimetterden älde qayda auır dep alañdaydı.
