Halıqaralıq wyımdardıñ ündeuin elemegen Makron, Reseydegi Älem çempionatına baratının mälimdedi

Franciya prezidenti Emmanuel' Makron, eger Franciyanıñ qwrama komandası jartılay finalğa ötse, Reseyde ötetin älem çempionatına baratının mälimdedi.

Reyter agenttiginiñ habarlauınşa, ol bwl turalı Resey prezidenti Vladimir Putinmen Sank-Peterburgte ötken baspasöz jiınında mälimdegen.

Bwdan bwrın Halıqaralıq adam qwqıqtarın qorğau wyımı (Human Rights Watch) Makron men özge de memleket basşıların Reseydiñ Süriya qaqtığısına aralasqanı üşin Reseyde ötetin futboldan älem çempionatına baykot jariyalauğa şaqırğan edi.

Sonımen qatar, Halıqaralıq rahımşılıq wyımı (Amnesty International) da älemdik sayasatkerlerge atalğan sport şarasına barmaudı aytıp, ündeu jasağanı turalı da jazğanbız. Atalğan wyım, bwl mälimdemesin eger el basşıları men sayasatkerler Reseydegi älem çempionatına barğan jağdayda, Mäskeu biligi bwnı nasihattıq bağıtta qoldanuı mümkin dep tüsindirgen edi.

Futbol boyınşa älem çempionatı biılğı jılı 14 mausım men 15 şilde aralığında Reseyde ötpek. Ayta keteyik, älem elderi köz tigetin mundial' Resey men Şığıs Europada alğaş ret ötkizilmek.

“The Qazaq Times”