Izrail' äue küşterine qarastı F-35-"Qırği" wşaqtarı. Foto: Aviation Voice.

Naurızdıñ soñında Kuveyttiñ «al-Jarida» basılımı, Izrail' äskeri-äue küşterine qarastı F-35 soğıs wşaqtarı Süriya men Irak arqılı Irannıñ äue keñistiginen kirgeni turalı habarlağan bolatın. Bir küni bwrın Resey Qorğanıs ministrligi mälimdeme jasap, bwl habardı teriske şığardı. Bwl turalı IRNA aqparattıq agenttiginiñ resmi saytı jazdı.

«al-Jarida» basılımı 29 naurız küngi habarında: «Izrail' äue küşterine qarastı F-35 soğıs wşaqtarı Süriya men Irak äue keñistiginen ötip, Irannıñ Bandar-Abbas, Isfahan, Şiraz qalalarında barlau jürgizdi», – dep mälimdegen. Bwl habar Irandı küşti añıs tudırdı jäne twrğındarı elderiniñ äue qorğanıs quatına degen senimsiz közqarastar aşıq ayta bastadı.

AQŞ öndiretin F-35 wşaqtarı älemniñ sanaulı elderinde ğana bar. Aytalıq, AQŞ-tan özge Izrail', Angliya, Australiya (Avstraliya), Japoniya, Kanada, Oñtüstik Koreya, Italiya, Norvegiya, Franciya Daniya jäne Niderlandı elderine ğana satıp bergen. Izrail' ötken jıldıñ soñında AQŞ-tan satıp alğan F-35 «Qırği» wşaqtarın äskeri äue küşteriniñ paydalanuına bergen bolatın. Bwl Izrail'di  Orta Şığıs elderi arasında äue küşteri jağında ırıqtı orınğa şığardı.

Resey Qorğanıs ministrliginiñ mälimetimen qatar, Irak Qorğanıs ministrligi de habarlama taratıp, öz äue keñistigine Izrail' wşaqtarınıñ kirmegeni turalı ayttı.

“The Qazaq Times”