Израиль әуе күштеріне қарасты F-35-"Қырғи" ұшақтары. Фото: Aviation Voice.

Наурыздың соңында Кувейттің «al-Jarida» басылымы, Израиль әскери-әуе күштеріне қарасты F-35 соғыс ұшақтары Сүрия мен Ирак арқылы Иранның әуе кеңістігінен кіргені туралы хабарлаған болатын. Бір күні бұрын Ресей Қорғаныс министрлігі мәлімдеме жасап, бұл хабарды теріске шығарды. Бұл туралы IRNA ақпараттық агенттігінің ресми сайты жазды.

«al-Jarida» басылымы 29 наурыз күнгі хабарында: «Израиль әуе күштеріне қарасты F-35 соғыс ұшақтары Сүрия мен Ирак әуе кеңістігінен өтіп, Иранның Бандар-Аббас, Исфахан, Шираз қалаларында барлау жүргізді», – деп мәлімдеген. Бұл хабар Иранды күшті аңыс тудырды және тұрғындары елдерінің әуе қорғаныс қуатына деген сенімсіз көзқарастар ашық айта бастады.

АҚШ өндіретін F-35 ұшақтары әлемнің санаулы елдерінде ғана бар. Айталық, АҚШ-тан өзге Израиль, Англия, Аустралия (Австралия), Жапония, Канада, Оңтүстік Корея, Италия, Норвегия, Франция Дания және Нидерланды елдеріне ғана сатып берген. Израиль өткен жылдың соңында АҚШ-тан сатып алған F-35 «Қырғи» ұшақтарын әскери әуе күштерінің пайдалануына берген болатын. Бұл Израильді  Орта Шығыс елдері арасында әуе күштері жағында ырықты орынға шығарды.

Ресей Қорғаныс министрлігінің мәліметімен қатар, Ирак Қорғаныс министрлігі де хабарлама таратып, өз әуе кеңістігіне Израиль ұшақтарының кірмегені туралы айтты.

“The Qazaq Times”