Uaşingtonda bir top jasöspirim Aq üydiñ aldına jinalıp, ükimetke qaru satudı şekteu talabın bildirip şeru jasadı. Olar özderiniñ narazılığın äygileu üşin Aq üy aldında bir sağatqa juıq swlıq jattı. Narazılıq qimılın ötkizgenderdiñ köbi mektep jasındağı jasöspirimder. Olar ötken aptada Florida ştatında bolğan oq jaudıru oqiğasınan keyin osınday qadamğa barğan. Floridadağı mektepke jasalğan şabuıldan 17 adam qaza bolğan edi. Bwl oqiğa 2012 jıldan beri AQŞ-tağı eñ bir qandı oqiğa bolıp qaldı. Bwl turalı CNN arnası jäne WSJ basılımı habarladı.

CNN bergen mälimetke qarağanda, jerde swlıq jatu arqılı narazılıqtarın jetkizu Eleanor Nehterlayn jäne Uitni Bouenge esimdi mektep oquşılarınıñ ideyası eken. Olar «qaru satu jönindegi zañdı qatañdatu» talaptarın bildiru üşin 17 adamdı wyımdastırıp, Aq üy aldında 3 minut swlıq jatıp, narazılıq şarasın ötkizbek bolğan. Sebebi, Floridadağı mektepte oq atu oqiğasında Nikolas Kruz bar joğı 3 minut işinde 17 adamdı atıp öltirgen. Akciyağa tuıstarı men tanıstarın qatısuğa şaqıradı. Al şara turalı  äleumettik jelilerde habarlar tarağannan keyin jüzden asa jasöspirim qatısqan.

Düysenbi küni prezident Tramp qaru satıp aluşılardı qatañ tekseru turalı zañdı jüzege asıruğa mümkindik beretin joba bekitti. Ol senator Jon Korninmen aqıldasıp, atalğan mäselege qatıstı jaña jobanı dayındaudı tapsırğan. Jaña joba boyınşa qaru satıp alu isine baylanıstı jaña qatañ erejeler joq, tek satıp aluşılardı qatañ tekseru jağı köbirek qarastırılğan.

Bwl mäseleni şeşu turasında amerikalıqtar arasında türli pikirler örbude. Qwrama Ştattağı basım köp halıq halıqtıñ qolında qaru bolu nağız demokratiya dep qaraydı. Tipti AQŞ tarihında qaruğa şekteu qoyudı köterip, prezidenttik saylauğa tüskenderdiñ basım köbiniñ jolı bola qoyğan joq.

“The Qazaq Times”