Türkiya prezidenti Rejep Tayıp Erdoğan. Foto: Habertürk.

Türkiya prezidenti äri biliktegi Ädilet jäne damu partiyasınıñ jetekşisi Rejep Tayıp Erdoğan atalğan partiyanıñ mäjilisi kezinde AQŞ-qa qarata eskertu jasap: «Ierusalim – mwsılmandardıñ qızıl sızığı» dedi. Bwl turalı sol eldiñ «Anadolı» aqparattıq agenttiginiñ resmi saytı habarladı.

Türkiya prezidenti Erdoğan Qwrama Ştat prezidenti Donal'd Tramptıñ Ierusalimdi Izrail'diñ astanası dep tanitını jöninde alañdauşılıq bildirdi. Ol sözinde: «Qwrmetti Tramp mırza, Ierusalim – mwsılmandardıñ qızıl sızığı. Bwl qadam bizdi Izrail'men diplomatiyalıq qarım-qatınasımızdı üzuge deyin aparuı mümkin. AQŞ-qa tağı bir ret eskertemiz – mwnday qadam jasauğa bolmaydı. AQŞ-tıñ barlıq jwmısı bitip, DAIŞ-pen küresi ayaqtalıp, osı ğana qaldı ma?», – dedi.

Türik ükimeti Islam Intımaqtastıq Wyımınıñ törağası retinde bwl mäseleni ünemi nazarda wstaytının jetkizdi. Sonımen birge AQŞ Ierusalim turalı atalğan qadamğa baratın bolsa, 5-10 kün işinde IIW-nıñ mäjilisin Stambulda ötkizetinderin mälimdedi.

“The Qazaq Times”